Brigada Galega Fuco Gomes

Defendimos a Revoluçom cubana em Compostela

2010-04-21T05:16:00.000-07:00

Este Domingo a BGFG participamos dumha cita obrigada: A manifestaçom na capital da Galiza contra os ataques mediáticos anti-cubanos.

Este Domingo, participamos da expressom da dignidade dos povos frente as patranhas do Império.

Qualquer d@s noss@s brigadistas sabe que em Cuba nom só existem a liberdade de expressom e o respeito aos direitos humanos, mas que é um dos poucos países do mundo onde essa liberdade e esse respeito tenhem garantes. Sabem-no porque nom vem à ilha a través do prisma deformador dos médios capitalistas, porque tivérom o bom juizo de observar essa realidade de primeira mao, sob o sol das Caraíbas e arroupad@s polo solidário povo cubano, que sabe muito de agressons aos direitos e de práticas antidemocráticas, mas porque todas estas vinhêrom do ocidente capitalista.

Nas últimas cinco décadas o povo cubano e o seu governo elegido democraticamente e revogável em qualquer momento (algo do que nom podem pressumir os países europeios nem os EUA) foi alvo das maiores aldragens à soberania nacional por parte dos gringos e os seus sócios imperialistas europeios. Nom é de recibo permitir que os mesmos que atropelam e afogam os direitos e a liberdade de expressom dos povos e as classes oprimidas no pátio da casa saiam à palestra pública a esigir a democracia que eles nom praticam.

Da BGFG saudamos a resposta dada polo internacionalismo galego, renovamos o nosso compromisso com a revoluçom do povo cubano, e manteremo-nos alerta ante novas campanhas como a recentemente ensaiada polos mídia espanhóis.

"Defender à Revoluçom Cubana é defender aos direitos humanos"

2010-04-14T01:17:00.000-07:00

Achegamos o manifesto da mobilizaçom nacional do vindouro 18 de Abril prevista para às 12h30 desde a Alameda de Compostela.

"Defender à Revoluçom Cubana é defender aos direitos humanos"

Umha nova campanha mediática de condena a Cuba estasse desenvolvendo tras a morte por greve de fame do preso Orlando Zapata. Con todo, as vozes que se alçam contra Cuba absténhem-se de denunciar os innumeráveis casos de gravíssimas violaçons dos direitos humanos cometidas polos estados europeus, tanto historicamente como na actualidade.

O 16 de Outubro de 1961, a policia francesa matou centenares de manifestantes algerianos em París e a imprensa foi obrigada a nom informar da massacre. Em 1981, dez presos irlandeses morrérom em greve de fame em prisons británicas, baixo o governo de Margaret Thacher. Anos despois, em 1999, a ex-primeira ministra rendia-lhe umha homenagem a Augusto Pinochet, processado por genocidio e acusado da detençom de 300.000 pessoas e da morte ou desapariçom doutras 5.000. Em datas recentes, a policía británica deu morte no metro de Londres a Jean Charles Menezes, um inmigrante brasileiro sem nengumha relaçom com feitos delitivos.

As masacres à populaçom civil e a prática de torturas por parte das tropas europeias e norteamericanas em Afeganistam e Iraque som feitos cotians. O próprio Parlamento Europeu confirmou, ademais, o traslado clandestino de presos baixo custódia da CIA por diversos aeroportos da UE e a existência de cárceres secretos en território de soberanía europeia, como a ilha británica de Diego García.

Se a morte de umha pessoa em greve de fame, lamentada publicamente polo Governo Cubano, que fijo todo o possível por evita-la, implica a condena de Cuba, ¿quantas condenas merecem as atrocidades cometidas polos estados europeus?

Essas vozes que condenam a Cuba permanecem indiferentes ante a longa sucessom de actos de barbarie cometidos polos EE UU, um país que lançou bombas atómicas, que mantivo a segregaçom racial até os anos 60 e que levou a cabo de máis de meio centenar de guerras fóra das suas fronteiras. A CIA estivo, ademais, detrás de golpes de estado e do assassinato de líderes políticos estrangeiros, como constatou, en 1975, umha investigaçom do próprio Senado norteamericano, dirigida por Frank Church, que confirmou que a Agência participara en 8 intentos de magnicidio de F. Castro.

A crueldade do sistema judicial estadounidense foi demostrada num estudo realizado por umha Universidade de Florida, que concluíu que 5 de cada 100 norteamericanos executadas desde 1976 eram inocentes. EE UU pratica a tortura e assim o denunciou o ex-presidente J. Carter. Segundo a general Janis Karpinski, na prisom de Abub Ghraíb, em Irak, o Exército americano tinha encarcerados a nenos de 8 anos. Mas EE UU nom só comete atrocidades, senom que oferece refúgio e impunidade a indivíduos como Luis Posada Carriles e Orlando Bosh, planificadores do atentado contra un aviom cubano em 1976 que ocasionou 73 mortos.

Nengúm informe de Amnistía Internacional atribúe a Cuba casos de tortura física, de assassinatos por razóns políticas ou de existência de desaparecidos e desaparecidas, feitos tam comúns en muitos países. Nos 50 anos de Revoluçom, nengúm jornal publicou nengumha noticia de manifestaçons reprimidas a golpes pola força pública ou de levantamentos populares.

Cuba foi o primeiro território latinoamericano declarado livre de analfabetismo e conta cuns indicadores educativos comparáveis a um país desenvolto. Tem a tasa de mortalidade infantil mais baixa do Continente, depois de Canadá, e umha das esperanças de vida mais altas de Latinoamérica (78 anos). Dispom de um sistema de proteçom da infância que fai possível que nom existam crianças abandonadas, trabalho infantil ou assassinatos de crianças na rua, algo habitual en países como Brasil ou Colómbia. Segundo UNICEF, desde 2006, Cuba é o único país de Latinoamérica livre de desnutriçom infantil severa.

A pesar das grandes carências materiais da populaçom, causadas fundamentalmente polo bloqueio norteamericano, o seu dispositivo de proteçom da populaçom em caso de catástrofes naturais fijo possível que no paso dos furacans Ike e Gustav em 2008 só houbesse 8 vítimas mortais, fronte ás máis de 1.200 do furacam Katrina en EE UU.

12.000 jovens latinoamericanos/as estudam Medicina em Cuba e, a través da denominada Operaçom Milagre, mais de um milhom de pacientes de 28 países fôrom operados gratuitamente da sua cegueira por oftalmólogos/as cubanos/as.

De conformidade com o artigo 21 da Declaraçom Universal dos Dereitos Humanos, que estabelece que “toda pessoa tem direito a participar no governo do seu país e a aceder às funçons públicas deste”, a Lei Electoral Cubana estabelece, no artigo 5, que todo cubano maior de 16 anos tem direito a participar nas eleiçons, e no artigo 81, que todos os/as electores/as tenhen direito a proponher candidatos/as.

Toda esta campanha difamatória tem como finalidade impedir que se restableza a normalidade nas relaçons diplomáticas entre Cuba e a Uniom Europeia, normalidade alterada em 2003 quando a UE impuxo sançons diplomáticas à Ilha.

Por todo isso, defender hoje a Cuba é defender o direito dos povos a decidir livremente o seu sistema económico e social sen injerencias e é defender todos os dereitos para todas as pessoas.

CONTRA A POSIÇOM COMUM EUROPEIA, CONTRA O BLOQUEIO
POLA LIBERDADE DOS CINCO, VIVA CUBA SOCIALISTA!!

18 de Abril_ Manifestaçom_ "Paremos a farsa "informativa" contra Cuba"

2010-04-08T03:21:00.000-07:00

A ASSOCIAÇOM DE AMIZADE GALEGO-CUBANA FRANCISCO VILLAMIL convoca para o vindouro domingo 18 de Abril umha manifestaçom solidária com Cuba sob a legenda "Paremos a farsa "informativa" contra Cuba" para exigir o cesse da manipulaçom mediática contra a sua Revoluçom.

A mobilizaçom tem previsto partir às 12h30 desde a Alameda de Compostela.

As entidades apoiantes som:

Adiante / Amigos de Cuba de Pontevedra / Agir / Alternativa dos veciños de Oleiros / Asoc. Brigadista de Galicia (ABRIGA) / Asoc. Contracorrente /Asociación de cubanos en Galicia (ASCUGA) / Asoc. Cultural O Galo / Assoc. Galega de Amizade com a Revoluçom Bolivariana (AGARB) / Asoc. Gómez Gayoso e Seoane Sánchez / Briga / Brigada Galega Fuco Gomes / Ceivar / Colectivo Nacionalista de Marín / Comunistas da Galiza (PCPE) / Confederación Intersindical Galega (CIG) / Encontro Irmandiño / Espaço Irmandinho / Esquerda Unida (EU) / Foro pola Memoria de Galicia / Faísca / Frente Popular Galega (FPG) / Galiza Nova / Gentalha do Pichel / Isca! / Movemento Galego ao Socialismo (MGS) / Movemento Pola Base (MPB) / Nós-Unidade Popular / Organización de Solidariedade cos Pobos de Asia, África e AméricaLatina (OSPAAAL) / Partido Comunista de Galicia (PCG) / Partido Comunista do Pobo Galego (PCPG) / Primeira Linha / C.S. Revira / C.S. Revolta / Xudeus Antisionistas / Xuventude Comunista

Um debate revolucionário e aberto

2010-03-30T02:51:00.000-07:00

Liudmila Álamo Donas, primeira secretária da organizaçom juvenil, assegura que o principal desafio da juventude cubana é seguir preparando-se para assegurar a continuidade histórica da Revoluçom.

A reuniom nacional do IX Congresso da UJC está muito próxima. A menos de cem horas, os preparativos finais para um encontro desta magnitude som puro agitaçom e tensom. Apesar disto, Liudmila Álamo Donas, primeira secretária da organizaçom, abriu um espaço no seu exíguo tempo para responder a um questionário que JR lhe fijo chegar com o intuito de fazer umha breve fotografia dos últimos meses, quando centenas de milhares de jovens cubanos se somárom a um processo franco e fértil onde tod@s crescemos.

JR: O IX Congresso da UJC já chega ao encontro nacional marcado. Quais têm sido as metas fundamentais deste processo?

L.A: Como processo tem abrangido um período que vai desde o anterior Congresso em 2004 até os momentos actuais, porque se trata de umha continuidade. Poderia dizer-se que é umha paragem no caminho para avaliar o que temos feito ou deixado de fazer. Devemos destacar que na última etapa, prévia a este mês de Abril, se gerou um amplo debate em todas as nossas organizaçons de base e a nível de município e província, no contexto das assembleias de militantes e jovens. Isto marca umha meta, porque essas discussons somárom mais de 600.000 jovens —militantes e nom militantes— que debatêrom sobre temas vitais para a nossa organizaçom e para o País. Foi um verdadeiro exercício de democracia real.

«Seria muito interessante que alguns governos do mundo, que se tenhem erigido em ferozes críticos do nosso país, dessem a oportunidade a centenas de milhares de jovens para que se reunirem com as autoridades do Estado e expressarem as suas inquietaçons».

J.R: As assembleias abertas fôrom um momento crucial para que os jovens tivessem a oportunidade de ser parte do Congresso. Quais fôrom os pontos principais abordados?

L.A: Ainda que os temas tenham sido diversos, podem-se identificar tópicos que com maior clareza e profundidade se abordárom, entre estes a necessidade de que as organizaçons de base consigam um funcionamento mais efectivo, que as situe no centro dos problemas, com protagonismo e contributos concretos.

«Também o chamado a desterrar o formalismo e esquematismo derivado de umha débil preparaçom das reunions e intercámbios que se planificam com os militantes e jovens, polo que se ratificou que a reuniom tem que ser para lhe encontrar soluçom aos problemas e gerar tarefas para todos.

«Nestas assembleias produziu-se, ainda, umha forte exortçom à poupança, à eficiência, a umha ligaçom bem mais efectiva dos jovens com a produçom de alimentos e de outras linhas vitais para o País. E advogou-se pola necessidade impostergável de saber o que custam as cousas, a real situaçom do País e a prioridade de fortalecer a presença jovem em sectores directos à produçom.

«Especial ênfase foi colocado no sector da saúde, relacionado com a optimizaçom dos recursos materiais e humanos, sem descuidar a qualidade e atendimento adequado ao nosso povo.

«Também foi muito debatido o tema da preparaçom que devem ter nossos quadros e o papel que devemos desempenhar os jovens na luita contra condutas e actuaçons negativas, o compromisso com a defesa da Pátria e a garantia da ordem interior no País».

J.R: Como vem os jovens a UJC?

L.A: A Uniom de Jovens Comunistas é a organizaçom que representa os seus interesses; é por isso que nos exigem e nos fam chegar as suas inquietaçons, insatisfaçons e reclamaçons, confiando em que nos ocupamos de os atender. De maneira permanente chegam-nos essas propostas, estados de opiniom, críticas e recomendaçons, e isso satisfai-nos, porque nos mostra que essa responsabilidade que nos está dada na Constituiçom de nossa República e essa preocupaçom que constantemente temos polos problemas das crianças, adolescentes e jovens, é reconhecida.
«Também isto é um grande repto, porque nos debates do nosso processo orgánico se tem evidenciado que existem lugares onde o funcionamento é débil e isto dificulta nossa política de trabalhar nom só para militantes, como para os amplos sectores que configuran a nossa juventude.

«Isto obriga-nos a aperfeiçoar os estilos e métodos que possibilitam estar perto das crianças, adolescentes e jovens, transmitir valores e educar com o exemplo, que é a maior fonte de autoridade e convocaçom que temos».

J.R: As reunions nos comités de base fôrom outra escala importante. Como tenhem influído no trabalho da organizaçom?

L.A: Estas, com toda a segurança, fôrom as reunions mais importantes, porque é ali onde se fijo mais abrangente e participativo o debate, por elas conhecemos com maior exactidom quais som os temas fundamentais que se constituem em eixos de análise para o Congresso e para traçar o trabalho no futuro. Permitem-nos ter umha ideia mais acabada do muito que resta por fazer a este nível, dos problemas na preparaçom de seus dirigentes, da urgência de fortalecer o atendimento às estruturas superiores aos comités de base.

J:R: É consenso que o secretário-geral no nível de base é o quadro fundamental da organizaçom. Isto exige liderança, exemplaridade e outras muitas virtudes, como definiria você o secretário-geral ideal?

L.A: Concebemo-lo antes de mais nada como um revolucionário incondicional, dotado de prestígio e modéstia; capaz de convencer com argumentos sólidos, adquiridos na prática quotidiana do seu contacto com as massas e do estudo consciente e constante da realidade de nosso país e do mundo; conhecedor dos desafios a que nos enfrentamos e disposto ao dar todo pola Revoluçom.

J.R: O funcionamento da organizaçom foi um tema muito debatido e exigido nos balanços a todos os níveis. Porque funcionar é chave para a organizaçom? Quanto se avançou neste propósito?

L.A: Somos umha organizaçom que, sem burocratismos denecessários, se rege por estatutos, regulamentos e normas, desenhados precisamente para funcionar de maneira coerente, o qual nom é exclusivo da UJC, pois a cada agrupamento na sociedade, independentemente de seus fins, tem regras aprovadas de forma colectiva.

«Se essas políticas forem violadas e se trabalhar desordenadamente, o avanço nas tarefas e consecuçom de objectivos torna-se muito difícil. Por isso se debateu com força sobre a urgência de um desempenho que esteja regido pola disciplina da militáncia, estabilidade e preparaçom nas estruturas de direcçom, sem que isto signifique que tenha que se reunir por se reunir ou cumprir algumha ou outra tarefa sem nos perguntar que vamos fazer ou de que forma o fazemos melhor.

«Umha vez consolidado este propósito de funcionar bem, entom é possível analisar os próprios problemas que tem a UJC, elevar a capacidade de mobilizaçom, o que contribui para a eficiência, tam necessária nos momentos actuais.

«O avanço nesta direcçom nom está à altura do que se demanda e queria esclarecer que a soluçom nom está no que se deu em chamar o “internismo” em referência a sobredimensionar tarefas como a confecçom das actas, a recolha da cotaçom e outros aspectos da vida interna, a questom é encontrar o justo equilíbrio com flexibilidade e sem formalismos».

J.R: Com umha massa importante de militantes, os comités de base estudantis som fundamentais no labor docente-educativo, a preparaçom política, ideológica e patriótica e a formaçom integral de adolescentes e jovens. Quais som os principais desafios que hoje tem a UJC neste cenário? Como caracterizaria você ao estudantado cubano?

L.A: Tal como refere a pergunta, os desafios som vários, sobressai o de estarmos preparados para acompanhar as necessárias mudanças que hoje se implementam no sector educacional, os conhecer e poder transladar o seu verdadeiro alcance e necessidade a todos os estudantes, por outra parte está vigente o empenho de consolidar valores e desterrar atitudes alheias ao projecto educativo revolucionário, tomando muito em conta que este sector agrupa a nossos militantes mais jovens, quem precisam de umha formaçom mais apurada.

«Também som eles quem maior influência recebem em um meio actual complexo, caracterizado por umha colosal arremetida ideológica por parte dos inimigos da Revoluçom —abertos e solapados—, que como todos conhecemos apostam a desmontar a história e socavar as bases do nosso socialismo sonhando com umha volta ao capitalismo quando desapareça a geraçom de luitadores históricos aos quais nos sentimos unidos indissoluvelmente.

«Mas o estudantado cubano é profundamente patriota e apoia maioritariamente o nosso sistema político; é um exército de jovens com ampla cultura, capazes de discernir entre as cenouras do império e o que deve ser mudado a favor da Revoluçom, no momento e a forma em que queremos o fazer os cubanos, sem renunciar ao socialismo nem às conquistas que som um tributo permanente a Mella, José Antonio e muitos outros que tenhem enaltecido nosso universo estudantil».

J.R: Perante o actual processo de actualizaçom do modelo económico, no sector produtivo cresce, ainda mais, a necessidade do protagonismo da UJC nesta esfera. Quais som as prioridades aqui? Estám preparados os comités de base para dar o salto que hoje se pede?

L.A: A prioridade é em primeiro termo dignificar e reconhecer o trabalho como fonte insubstituível de riquezas e único caminho para sair adiante; jogar um papel realmente protagónico na incorporaçom dos jovens à produçom de alimentos, a substituiçom de importaçons e o incremento dos nossos produtos exportáveis, profundamente convictos de que temos de viver do que temos e do que produzimos.

«Temos de estar, como organizaçom, ali onde se cultiva a terra, se constrói ou de algumha outra maneira se fai crescer a economia. Nesses espaços precisam-se maos jovens, estruturas de base fortes e quadros capazes, questons que em muitos casos nos faltam ou estám debilitadas. É preciso o salto de que falas na pergunta e esse é um tema debatido neste processo do Congresso e ao que teremos que seguir prestando toda a nossa atençom».

J.R: Quais som para você os principais desafios da juventude cubana hoje e quais os da UJC como vanguarda desta?

L.A: O principal desafio da juventude cubana é seguir-nos preparando para assegurar a continuidade histórica da Revoluçom. Estamos chamados a elevar a nossa estatura ideológica, para enveredarmos num mundo em que puxam por se impor os sentimentos de egoísmo alimentados polo capitalismo, e as conseqüências desastrosas que acarreta esse sistema para a vida mesma da espécie humana.

«Nom podemos afastar-nos nem um segundo do debate, da crítica realizada desde o compromisso social, acompanhada com propostas concretas, e do confronto sem ambages aos pseudo revolucionários, que se escandalizam e se montam em um discurso fabricado polo império para destruir a Revoluçom, que é seu verdadeiro objectivo.

«A UJC, como vanguarda, deve marchar no bloco atacante, marcando o caminho, estreitamente unida ao Partido Comunista, que reúne umha força moral impressionante e umha tradiçom de luita martiana, marxista e fidelista».

J.R: No pessoal e como dirigente —independente do trabalho que lhe correspondeu exercer como Primeira Secretária da UJC—, como tem influído em você o processo do Congresso?

L.A: Participar nestes debates é um privilégio; escuitar acompanhados dos ensinos e orientaçons do Partido— a centos de jovens nas suas intervençons ao longo de toda a ilha, contribuindo, denunciando o que nom anda bem, ratificando compromissos, dando ideias e expondo pontos de vista, me tem revitalizado muito e me confirmou a convicçom de que a minha responsabilidade nom entranha outro benefício que o enorme compromisso como quadro e mulher revolucionária.

J.R: Quais som, até aqui, os resultados do processo do IX Congresso? E que se espera da reuniom nacional?

L.A: O principal resultado foi conseguir umha ampla participaçom no debate, o que nos confirmou que estamos em condiçons de aprofundar nos problemas, ser críticos e estar dispostos a trabalhar duro na soluçom de nossas dificuldades.

«O evento nacional estamos seguros que confirmará muitas destas ideias que temos abordado e traçará importantes objectivos para o futuro, porque debates como os destes meses tenhem que ser parte da quotidianidade de nossa organizaçom a todos os níveis.

«@s delegad@s que assistirám a este momento do processo representam a todos os sectores da vida económica e social do País, neles nosso povo poderá encontrar o reflito de umha juventude onde nom há lugar para um futuro de concessons e entrega».

Fonte:http://www.juventudrebelde.cu/cuba/2010-03-27/nono-congresso-de-a-ujc-um-debate-revolucionário-e-aberto/

Comunicado da Brigada Galego Fuco Gomes perante a ofensiva mediática contra a Revoluçom Cubana

2010-03-26T04:47:00.000-07:00

Mália que a propaganda dos governos mais poderosos e as grandes empresas da comunicaçom do planeta queiram enviar a ensurdecedora mensagem de que Cuba está só, a realidade é bem diferente. Muitos som os colectivos, muitas as organizaçons e as pessoas que seguimos escuitando a força do povo cubano berrando “Queremos ser como o Che”.

Ante a ofensiva mediática das últimas semanas contra a Revoluçom Cubana a Brigada Galega Fuco Gomes quer manifestar:

1. Os ataques contra Cuba e a sua democracia estam sendo provocados pola manipulaçom mediática inerente ao sistema capitalista, cuja finalidade nom é outra que a de encaminhar a opiniom pública no discurso que mais o fortaleçe, o do imperialismo.

Assim o fenómeno da “dissidência” nom deixou de ser nunca o resultado do recrutamento de mercenários cubanos por EEUU para poder fazer-se com o controlo do importante enclave estratégico das Caraíbas.

2. Nom é casual que a ofensiva xurda num momento no que o capitalismo está a amossar umha enorme debilidade, ferido pola confluência das numerosas crises no seu seio. Nesta cojuntura recrudecem o objectivo de desacreditar e dilapidar os paises que trabalham polo socialismo, sejam Cuba, Venezuela ou Bolívia, pois emergem como a pior ameaça possível para os seus interesses.

3. É por isso que a morte de Orlando Zapata, morte sentida polo governo cubano, foi usada como pre-texto para estender innumeráveis calúnias sobre a Revoluçom Cubana. Catapultado aos meios internacionais como preso político apesares de que no informe de Amnistia Internacional do 2003 nom aparecia nem tam sequer as suas iniciais, mália que os seus problemas com a justiça começáram no 1998.

4. As numerosas condenas dos governos ocidentais ao sistema político cubano, acusando-o de exercer a "brutalidade policial" e "torturar", som umha mostra mais da gigantesca hipocrisia das democracias burguesas. Democracias onde efectivamente sim se concília à perfeiçom os crimes, as torturas, as violaçons dos direitos individuais e colectivos ou as guerras imperialistas com os programas políticos dos seus estados.

Os assassinatos do governo narco-paramilitar de Colômbia com @s mais de 7500 pres@s políticos e mais de um milhom de despraçad@s, a ocupaçom militar de Haiti polos USA, @s centos de pres@s polític@s nos cárceres espanhóis, as contínuas agressons dos antidistúrbios nas mobilizaçons anticapitalistas ou a situaçom dos 5 Cubanos condenados pola “justiça” estadounidense a penas elevadíssimas polo simples facto de investigar contra ataques contra Cuba; som algumhas das notícias que jamais abrirám um telejornal, posto que absolutamente todo o que recolhem as empresas da comunicaçom tem como finalidade a consecuçom de rendabilidades políticas e económicas para os sectores dirigentes.

5. Quando se dá a escolher entre o caminho face o socialismo ou a barbarie. É dizer, entre a incansável luita de um pais bloqueado económicamente desde há décadas e que conta com o índice de mortalidade mais baixo de toda a sua América Latina, onde o seu sistema médico tem reconhecida fama mundial e onde muit@s estudantes pobres de todos os continentes realizam ali os seus estudos. Ou, umha maquinária de espalhar morte e fame no mundo, capaz de agredir sem medida a classe trabalhadora e as mulheres sob interesses económicos como fai o capitalismo. A disjuntiva é clara:

COM CUBA E A REVOLUÇOM!!
ATÉ A VITÓRIA SEMPRE, PÁTRIA OU MORTE, VENCEREMOS!!

Pode o Estado Espanhol dar liçons de democracia?

2010-03-19T13:07:00.000-07:00

Nas últimas semanas assistimos atónit@s às mentiras mais burdas contra a Revoluçom Cubana. Tortura, violência policial, ditadura, persecuçom a “dissidentes”… som palavras repetidas mil vezes polas grandes empresas da comunicaçom e a corruptela política a nível internacional.

Nom é casual que no meio da enorme crise do capitalismo os estados que apostam polo socialismo estejam no ponto de mira das classes dirigentes dos principais estados burgueses. Mais alá do incansável afám de transformar o governo da ilha num títere aliado a ofensiva forma parte também da reacçom contra o malestar e a mobilizaçom popular que se está fraguando no interior dos paises capitalistas, tentando deste jeito abafar aos referentes políticos que materializam a alternativa ao seu sistema.

A seguir disponibilizamos os recentes videos editados por CubainformaciónTV sob o título “Liçons de direitos humanos para Cuba”, pois achamos que espreme de jeito óptimo e em poucos minutos a enorme hipocrisia que há detrás de todas as declaraçons feitas polo Estado Espanhol.

:: Liçons de direitos humanos para Cuba: 1.- Umha polícia democrática

:: Liçons de direitos humanos para Cuba: 2.- Seguir o exemplo da Uniom Europeia

:: Liçons de direitos humanos para Cuba: 3.- Desterrar a tortura

:: Liçons de direitos humanos para Cuba: 4.- O metodo do Partido Popular

Os culpáveis som outros

2010-03-05T01:29:00.000-08:00

Polo seu interesse reproduzimos o artigo de opiniom de David Alonso publicado em Cubainformación há dias. Nele o autor reflexiona, entre outras cousas, sobre a morte de Orlando Zapata, as faces do imperialismo e a "dissidência" e a manipulaçom mediática.

Os culpáveis som outros

O imperialismo atinge, em ocasions, algum de seus objectivos. A morte de um encarcerado “dissidente” cubano que se encontrava em greve de fame é, sem dúvida, toda uma notícia que proporcionará aos bilderberg um novo pretexto com o que seguir justificando sua agressom contra Cuba ante a, maioritariamente, desinformada opiniom pública mundial.

Todo mundo deveria conhecer que os chamados “dissidentes” nom respondem a necessidades do povo cubano, e sim a necessidades do governo dos Estados Unidos. O governo norte-americano faz público todos os anos o orçamento de dezenas de milhos de dólares destinados a subverter a ordem política, económico e social estabelecida em Cuba. Actualmente, os EUA viola as regulaçons estabelecidas pola Uniom Internacional de Telecomunicaçons e o Direito Internacional ao invadir o espaço radiofónico de Cuba mediante transmissons ilegais de rádio e televisom a partir do território norte-americano. Com isso trata de alentar a emigraçom ilegal, incitar à desobediência civil e tergiversar a realidade cubana de maneira malintencionada. Algumas vezes, em algum caso isolado como no caso que nos ocupa, lamentavelmente o conseguem.

Quantos inocentes ao longo da história nom teram sacrificado as suas vidas por defender causas que julgavam legítimas e que nom o eram realmente? Quantos manipulados e, portanto, inocentes soldados assassinaram alegremente quem segundo eles representava o mal? Quantos nom descobririam mais adiante que tinham sido enganados? Cada dia suicidam-se 17 veteranos norte-americanos. Actualmente o número de suicídios entre os veteranos da guerra do Iraque e Afeganistam excede o número de mortos em combate.

É altamente desalentador escuitar certas afirmaçons feitas por jornalistas em Rádio Nacional de Espanha com motivo da morte do cidadam cubano. No programa matinal do passado 24 de Fevereiro todos os comentadores afirmaram categoricamente que Cuba era a única ditadura da América Latina e que a situaçom nos seus cárceres é tam dura que os alguns presos tiram o sangue dos seus corpos para fazerem morcelas para comer. Literalmente.

Estes jornalistas com tam alta responsabilidade informativa deveriam aprofundar na questom cubana e outras tantas questons com o fim de que ninguém possa os qualificar como ignorantes presuntuosos. Se o fizessem algum dia, chegariam a conhecer o extraordinário, democrático e participativo sistema eleitoral vigente em Cuba e que a maioria ocidental desconhece.

Com algumha dose de humildade e mente aberta talvez estes jornalistas se interessassem, por exemplo, em informar sobre os 1.200 colombianos assassinados nestes últimos anos, bem como das centenas de milhares de dissidentes políticos colombianos exilados polo mundo que fogem de umha morte segura e extrajudicial no seu país.

Comunicados cubanos respostam à guerra mediática contra a Revoluçom Cubana tras a morte de Orlando Zapata

2010-03-04T01:59:00.000-08:00

Dada a guerra mediática começada contra Cuba tras a morte de Orlando Zapata Tamayo, a Brigada Galega Fuco Gomes acha de grande interesse reproduzir estes dous comunicados cubanos emitidos a respeito de toda a polémica criada e que ajudam a compreender melhor esta avalancha de desprestígios contra Revoluçom Cubana.

O que ocultam os meios internacionais: quem era Orlando Zapata

Orlando Zapata Tamayo, de 42 anos, nom faz parte dos mercenários que foram julgados em março do 2003 (nom é um dos 75).

Cumpria umha sançom conjunta de privaçom de liberdade de 25 anos, após ter sido sancionado em 2004, a três anos, por Desordem Pública, Desacato e Resistência. O seu historial é o de um delinquente comum.

Desde julho de 1990, foi processado e condenado em reiteradas ocasions por delitos comuns, entre eles por Alteraçom da Ordem, Danos, Resistência, dous cargos de Fraude, Exibicionismo Público, Lesons e Posse de Armas Brancas. Já em cumprimento da sançom de privaçom de liberdade, foi sancionado várias vezes por Desordem em Estabelecimento Penitenciário e Desacato.

No 2001, vincula-se à contrarrevoluçom, contactado entre outros mercenários por Oswaldo Payá Sardiñas e Marta Beatriz Roque.

No 2003, entra novamente em prisom e a partir de entom protagoniza várias acços violentas nela, agredindo fisicamente servidores públicos penitenciários. Negou-se em reiteradas ocasions a consumir os alimentos do penal e só consumia os alimentos que recebia dos seus familiares.

Declarou-se em greve de fame a 18 de Dezembro de 2009, negando-se a receber assistência médica. Nom obstante, foi transladado primeiramente ao Posto Médico do penal, posteriormente, ao Hospital Provincial da cidade de Camaguey, e depois ao Hospital Nacional de Reclusos de Havana.
Em todos os lugares, foram-lhe realizados estudos clínicos e oferecida toda a assistência médica necessária, incluída terapia intermédia e intensiva e alimentaçom voluntária por via parenteral (endovenosa) e enteral (mediante levim) e foram-lhe permitidos todos os medicamentos e tratamentos necessários até o seu falecimento, o qual foi reconhecido pela própria mae.

A 3 de Fevereiro, apresentou febre que desapareceu em 24 horas. Posteriormente, foi-lhe diagnosticada umha pneumonia que se tratou com os antibióticos e procedimentos mais avançados. Ao comprometerem-se ambos pulmons, foi assistido com respiraçom artificial até a sua morte.

Após a entrada dele ao estabelecimento penitenciário, a mae de Zapata Tamayo, Reyna Luisa Tamayo, ligou-se a actividades de grupos contrarrevolucionárias, pelas quais recebia dinheiro de organizaçons contrarrevolucionárias que agem em território dos Estados Unidos, como a Fundaçom Nacional Cubano Americana.

Declaraçons do Presidente dos Conselhos de Estado e de Ministros, Raúl Castro Ruz, sobre o falecimento do recluso Orlando Zapata Tamayo, Mariel, 24 de Fevereiro de 2010

Lamentamo-lo muito.

Foi condenado a três anos mas no cárcere cometeu delitos, incrementou-se-lhe a sançom. Depois, levou-se-lhe aos nossos melhores hospitais. Morreu, lamentamo-lo muito.

Infelizmente, nesta confrontaçom que temos com os Estados Unidos, temos perdido milhares de cubanos, sobretodo vítimas do terrorismo de Estado. Entre mortos e discapacitados, têm sido ao redor de 5 mil, sem contar outros milhares de feridos que chegaram a se restabelecer, incluindo diplomátic@s que foram também assassinados no estrangeiro e incluindo desaparecidos em outros países.

No dia que os Estados Unidos decidam conviver em paz connosco, acabaram-se todos esses problemas e superaremos muitos outros problemas. Singelamente temos que nos habituar a viver respeitando-nos uns aos outros.

Eles dizem que querem discutir connosco e estamos dispostos a discutir com o governo norte-americano todos os problemas que queiram; repeti três vezes, no Parlamento, todos, todos, todos. As discussons nom as aceitamos se nom forem em absoluta igualdade de ambas partes. Eles podem indagar ou perguntar de todas as questons de Cuba, mas nós temos direito de perguntar de todos os problemas dos Estados Unidos.

Nom reconhecemos a nenhum país, por poderoso que for, nem a um conjunto de países como poderia ser a Uniom Europeia, direito a se imiscuir em nossos assuntos internos. Nom obstante, estamos dispostos a discuti-lo tudo.

Em meio século, aqui nom assassinamos ninguém, aqui nom se torturou ninguém, aqui nom se produziu nenumha execuçom extrajudicial. Bom, aqui em Cuba torturou-se, mas na Base Naval de Guantánamo, nom no território que governa a Revoluçom.

Associaçom Francisco Vilhamil convoca acto de homenagem a José Martí

2010-02-02T11:43:00.000-08:00

Para o próximo Sábado 5 de Fevereiro, a associaçom de amizade galego-cubana Francisco Vilhamil tem convocado um acto de homenagem à figura da independência cubana José Martí, polo 157º aniversário do seu nascimento. O acto decorrerá em Vigo, nos jardins de Monteiro Rios a partir das 12:30 da manhá.

Da Brigada Galega Fuco Gomes nom podemos se nom apoiar a reivindicaçom dumha figura chave no processo revolucionário cubano, que inspirou a luita guerrilheira e posterior construçom da alternativa socialista na ilha durante todos estes anos.

O seu discurso libertador e anti-imperialista segue vivo na Revoluçom cubana na actualidade, sendo um dos primeiros teorizadores da expansom do imperialismo estado-unidense sobre as Caraíbas e América Latina.

Numha época onde a ofensiva ianque está a ultrapassar toda medida, com a violaçom da soberania em Colômbia, a financiaçom do paramilitarismo, o apoio do golpismo em Honduras e a ocupaçom militar do Haití com a escusa da ajuda humanitária; fai mais necessário do que nunca conhecer o pensamento deste vulto da história de libertaçom dos povos, e a prática revolucionária da que ele fijo umha brúxula de vida.

Clica aqui se queres ler a notícia no web da Vilhamil.

A verdade do que aconteceu na Cimeira

2009-12-23T01:30:00.000-08:00

REFLEXONS DO COMANDANTE FIDEL CASTRO
A verdade do que aconteceu na Cimeira

Aos jovens interessa-lhes o futuro mais do que a ninguém.

Até há bem pouco discutia-se sobre o tipo de sociedade em que viveríamos. Hoje discute-se se a sociedade humana sobreviverá.

Nom se trata de frases dramáticas. Devemos acostumar-nos aos factos reais. A última cousa que podem perder os seres humanos é a esperança. Com a verdade na mao, homens e mulheres de todas as idades, nomeadamente os jovens, levarom a cabo na Cimeira umha batalha exemplar, oferecendo ao mundo umha grande lecçom.

Agora o principal é fazer com que se conheça no mais possível em Cuba e no mundo o acontecido em Copenhage. A verdade possui umha força que supera a inteligência mediatizada e muitas das vezes desinformada daqueles que tenhem nas suas maos os destinos do mundo.

Se na capital dinamarquesa conseguiu-se algumha cousa importante, foi que através da mídia a opiniom mundial pode observar o caos político criado e o tratamento humilhante a Chefes de Estado e de Governo, Ministros e milhares de representantes de movimentos sociais e instituiçons, que cheios de ilusons e de esperanças viajarom à sede da Cimeira em Copenhage. A brutal repressom contra manifestantes pacíficos pola força pública, fazia lembrar a conduta das tropas de assalto dos nazis que ocuparom a vizinha Dinamarca em Abril de 1940. O que ninguém podia imaginar é que, em 18 de Dezembro de 2009, último dia da Cimeira, ela seria suspendida polo governo dinamarquês ―aliado da NATO e associado à chacina do Afeganistom― para entregar a sala principal da Conferência ao Presidente Obama, onde ele e um grupo selecto de convidados, 16 no total, teriam o direito exclusivo de falar. Obama proferiu um discurso enganoso e demagógico, cheio de ambiguidades, que nom implicava compromisso vinculatório algum e ignorava o Convénio Marco de Quioto. Saiu da sala pouco depois de escuitar mais alguns oradores. Entre os convidados a fazer uso da palavra estavam os países mais industrializados, vários das economias emergentes e alguns dos mais pobres do planeta. Os líderes e representantes de mais de 170, só tinham direito a escuitar.

Ao findar o discurso dos 16 escolhidos, Evo Morales, com toda a autoridade da sua origem índia aimara, recém-eleito polo 65% dos votos e o apoio das duas terceiras partes da Câmara e do Senado da Bolívia, solicitou a palavra. O Presidente dinamarquês nom tivo outra alternativa do que outorgá-la perante a demanda das outras delegaçons. Quando Evo concluiu as suas sábias e profundas frases, o dinamarquês tivo que ceder-lhe a palavra a Hugo Chávez. Ambos os pronunciamentos passarom à história como exemplos de discursos breves e oportunos. Cumprida cabalmente a tarefa, os dous partirom rumo os seus respectivos países. Mas quando Obama fijo silêncio polo foro, ainda nom tinha cumprido a sua tarefa no país sede da Cimeira.

Desde a noite de 17 e a madrugada de 18, o Primeiro-ministro da Dinamarca e altos representantes dos Estados Unidos da América reuniam-se com o Presidente da Comissom Europeia e os líderes de 27 países para lhes propor em nome de Obama, um projecto de acordo, em cuja elaboraçom nom participaria nengum dos restantes líderes do resto do mundo. Era umha iniciativa antidemocrática e virtualmente clandestina, que ignorava milhares de representantes dos movimentos sociais, instituiçons científicas, religiosas e demais convidados à Cimeira.

Durante toda a noite de 18 até as três da madrugada do 19, quando já muitos Chefes de Estado tinham partido, os representantes dos países estiverom esperando o reinício das sessons e o encerramento do evento. Todo o dia 18, Obama tivo reunions e conferências de imprensa. Mesma cousa fijerom os líderes da Europa. Depois forom embora.

Entom aconteceu umha cousa insólita: às três da madrugada do 19, o Primeiro-ministro da Dinamarca convocou umha reuniom para o encerramento da Cimeira. Restavam apenas representando os seus países ministros, funcionários, embaixadores e pessoal técnico.

Contodo, foi assombrosa a batalha que levou a cabo nessa madrugada um grupo de representantes de países do Terceiro Mundo, que impugnavam a tentativa de Obama e dos mais ricos do planeta de apresentar como acordo por consenso da Cimeira o documento imposto polos Estados Unidos.

A representante da Venezuela, Claudia Salerno, com energia impressionante mostrou a sua mao direita, da que saia sangue, pola força com que bateu na mesa para exercer o seu direito a fazer uso da palavra. O tom da sua voz e a dignidade dos seus argumentos nom poderam ser esquecidos.

O Ministro de Relaçons Exteriores de Cuba, proferiu um enérgico discurso de aproximadamente mil palavras, do qual escolho vários parágrafos que desejo incluir nesta Reflexom:

"O documento que você várias vezes afirmou que nom existia, senhor Presidente, aparece agora. […] temos visto versons que circulam de maneira sub-reptícia e que som discutidas em pequenos conciliábulos secretos…"

"…Lamento profundamente a maneira em que você tem conduzido esta conferência."

"…Cuba considera extremamente insuficiente e inadmissível o texto deste projecto apócrifo. A meta de 2 graus centígrados é inaceitável e teria consequências catastróficas incalculáveis…"

"O documento que você, infelizmente, apresenta nom tem nengum compromisso de reduçom de emissons de gases de efeito estufa."

"Conheço as versons anteriores que também, através de procedimentos questionáveis e clandestinos, forom negociadas em corrilhos fechados…"

"O documento que você apresenta agora, omite, precisamente, as já magras e insuficientes frases chave que aquela versom continha…"

"…para Cuba, resulta incompatível com o critério científico universalmente reconhecido, que considera urgente e iniludível garantir níveis de reduçom de, polo menos, 45% das emissons para o ano 2020, e nom inferiores a 80% ou 90% de reduçom para 2050."

"Todo delineamento acerca da continuaçom das negociaçons para adoptar, no futuro, acordos de reduçom de emissons, deve incluir, inevitavelmente, o conceito da vigência do Protocolo de Quioto […] O seu papel, senhor Presidente, é a acta de defunçom do Protocolo de Quioto que a minha delegaçom nom aceita."

"A delegaçom cubana deseja fazer ênfase na preeminência do princípio de ‘responsabilidades comuns, mas diferenciadas’, como conceito central do futuro processo de negociaçons. O seu papel nom diz umha palavra disso."

"Este projecto de declaraçom omite compromissos concretos de financiamento e transferência de tecnologias para os países em desenvolvimento como parte do cumprimento das obrigas contraídas polos países desenvolvidos sob a Convençom Quadro das Naçons Unidas sobre Mudança Climática […] Os países desenvolvidos, que imponhem os seus interesses mediante o seu documento, senhor Presidente, evadem qualquer compromisso concreto."

"…Aquilo que você chama, senhor Presidente, de ‘um grupo de líderes representativos’ é, para mim, umha grosseira violaçom do princípio de igualdade soberana que consagra a Carta das Naçons Unidas…"

"Senhor Presidente, solicito-lhe formalmente que esta declaraçom seja recolhida no relatório final sobre os trabalhos desta lamentável e vexante 15 Conferência das Partes."

Apenas lhe concederom umha hora aos representantes dos Estados para emitir opinions, o que conduziu a situaçons complicadas, vergonhosas e desagradáveis.

Entom aconteceu um longo debate em que as delegaçons dos países desenvolvidos exercerom umha forte pressom para tentar que a Conferência adoptasse esse documento como resultado final das suas deliberaçons.

Um reduzido número de países insistiu com firmeza nas sérias omissons e ambigüidades do documento impulsionado polos Estados Unidos, particularmente na ausência de compromisso dos países desenvolvidos no relativo à reduçom de emissons de carbono e ao financiamento para adoptar medidas de mitigaçom e adaptaçom dos países do Sul.

Após umha longa e extremamente tensa discussom, prevaleceu a posiçom dos países da ALBA e do Sudam, como Presidente do Grupo dos 77, de que o documento em questom era inaceitável para ser adoptado pola Conferência.

Perante a evidente falta de consenso, a Conferência limitou-se a "tomar nota" da existência desse documento como a posiçom de um grupo de ao redor de 25 países.

Trás essa decisom adoptada às 10h30, hora da Dinamarca, Bruno ―depois de discutir junto de outros representantes da ALBA amistosamente com o Secretário da ONU e expressar-lhe a disposiçom de continuar a luitar junto das Naçons Unidas para impedir as terríveis consequências da mudança climática― partiu na companhia do Vice-presidente cubano Esteban Lazo rumo ao nosso país para participar da reuniom da Assembléia Nacional, dando por finalizada a sua tarefa. Em Copenhage ficavam alguns membros da delegaçom e o embaixador para participar nos trâmites finais.

Hoje à tarde informarom o seguinte:

"…tanto aos que participaram na elaboraçom do documento, quanto aos que ―como o Presidente dos EUA― anteciparom-se a anunciar a sua adopçom pola Conferência… como nom podiam rejeitar a decisom de se limitar a ‘tomar nota’ do suposto ‘Acordo de Copenhage, tentarom propor um procedimento para que outros países Partes que nom tinham estado neste conluio se somassem a ela, declarando a sua adesom, com o que tentavam outorgar-lhe um carácter legal a esse acordo, que de facto podia prejulgar o resultado das negociaçons que deverom continuar."

"Esta tentativa tardia recebeu de novo umha firme oposiçom de Cuba, da Venezuela e da Bolívia, que advertirom que este documento que a Convençom nom tinha feito seu nom tinha nengum carácter legal, nom existia como documento das Partes e nom podia estabelecer-se nengumha regra para a sua suposta adopçom…"

"É neste estado que concluem as sessons de Copenhage, sem que se tenha adoptado o documento que tinha sido preparado sub-repticiamente durante os últimos dias, com umha clara conduçom ideológica da administraçom americana…"

Amanhá a atençom estará centrada na Assembléia Nacional.

Lazo, Bruno e o resto da delegaçom chegarom hoje na meia-noite. O Ministro de Relaçons Exteriores de Cuba poderá explicar na segunda-feira, com os detalhes e a precisom necessária, a verdade do acontecido na Cimeira.

Fidel Castro Ruz
19 de Dezembro de 2009
20h17 •

Julio Antonio Mella

2009-11-19T05:25:00.000-08:00

Nascido na capital cubana em 25 de Março de 1903, este jovem revolucionário ingressou em 1921 na facultade de Filosofía, Letras e Direito, em cujo ambiente universitário entrou em contacto com o pensamento politico anti-imperialista dos grandes revolucionários latinoamericanos, nomeadamente Simón Bolívar e muito especialmente José Martí. A influência da triunfante Revoluçom de Outubro na Rússia supujo também o seu encontro com os ideais e a teoria de Marx, Engels e Lenine.

A presença na sua própria família do ideário independentista (o seu avó, o General Ramón Matías Mella, foi um dos pais fundadores da República Dominicana), permitiu que já nesta etapa universitária começasse o empregar o que seria a sua brúxula política o resto da vida: A combinaçom de marxismo e nacionalismo revolucionário, adaptando-o acertadamente à realidade cubana.

Mas Mella nom foi um intelectual: As aulas da universidade fôrom o seu primeiro cámpo de batalha, criando a Federaçom Estudantil Universitária, da qual foi presidente, a Liga Antiimperialista de Cuba e o primeiro partido marxista-leninista cubano: O PCC.

A sua extraordinaria capacidade de trabalho demonstra-se na organizaçom do Primeiro Congresso Nacional de Estudantes em Novembro de 1923. Na declaraçom de Direitos e Deveres do Estudante, Mella planteja como primeiro dever do estudante: “divulgar os seus conhecementos entre a sociedade, principalmente entre o proletariado manual, por ser este o elemento mais afim ao proletariado intelectual, devendo assim irmandar-se @s trabalhadores/as para fomentar umha nova sociedade livre de parassitas e tiranos, onde ninguem viva se nom em virtude do próprio esforço”.

Este pronunciamento levou à criaçom da Universidade José Martí, iniciativa que vincula a estudantes, trabalhadores e intelectuais movidos polo afám de ensinar e aprender, e que funcionou na Facultade de direito em horário nocturno.

Foi detido em 27 de novembro de 1925 e ingressado em prisom acusado de cometer actos terroristas. O seu verdadeiro delito: Encabeçar umha greve estudantil na Havana.

Tras umha greve de fame e um mês de intensa pressom nacional e internacional, é liberado em 23 de Dezembro de 1926. Um mês depois é expulso do país e parte cara o exílio em México, onde forma parte do Comité Central do Partido Comunista de México, participando na luita pola reforma agrária, a nacionalizaçom do petróleo e nas greves dos mineiros. Durante a súa militáncia nesta formaçom mantivo umha atitude crítica com a degeneraçom burocrática dos Partidos Comunistas na órbita da URSS.

O 10 de Janeiro de 1929 é assasinado em México após umha perseguiçom, vítima de agentes do ditador Machado.

Mella compreendeu qual era o caminho a seguir nas novas condiçons, por isso nom se limitou ao eido universitário se nom que se involucrou nas luitas da classe operária. Hoje em día o ideário deste luitador comunista mantem vigência e oferta alternativas para a interpretaçom da realidade cubana e da America Latina.

Membros da Brigada de novo na Galiza

2009-11-17T13:23:00.001-08:00

Após mais de médio mês de estadia na ilha, @s brigadistas retornárom à Galiza após 15 intensas jornadas de trabalho solidário, confraternizaçom, convívio e troca de experiências entre a realidade cubana e a galega.

Recém cumprido o objectivo do nosso segundo ano de existência, aproveitamos para transmitir o nosso apoio incondicional ao processo revolucionário cubano, renovar a nossa oferta de colaboraçom e ajuda mútua que definiu o nosso nascimento, e denunciar o continuismo da Administraçom Obama que recentemente renovou o criminal bloqueio que sofre o povo de Cuba, mantendo também nos seus lôbregos cárceres aos Cinco Heróis.

Desde a Galiza, desde a solidariedade e desde o internacionalismo revolucionário, hoje e sempre:

VIVA CUBA SOCIALISTA!!!

VIVA GALIZA CEIVE E SOCIALISTA!!!

Brigada Galega Fuco Gomes já está em Cuba

2009-10-27T16:23:00.000-07:00

A passada quinta-feira 24 a Brigada galega de solidariedade com Cuba partiu do aeroporto de Peinador em Vigo em direcçom às Caraíbas, levando com ela toda a equipagem necessária para desfrutar das vindouras duas semanas de confraternizaçom, apreendizagem, ócio e intercámbio que vivirám na ilha.

Na reuniom que dias antes mantivêrom com o cônsul cubano, Alejandro Fuentes, além de preparar e conhecer sobre o mapa alguns dos lugares que a delegaçom galega há de visitar, @s brigadistas figérom-se cárrego de dous pacotes de medicamentos e material dumha vintena de kg cada um, destinados a ajudar a paliar as conseqüências do criminoso bloqueio económico que a administraçom Obama mantém incólume maliá as muitas promessas feitas na campanha eleitoral.

O resto d@s brigadistas que ficamos em terra, orgulhamo-nos de ter contribuído para o sucesso desta segunda ocasiom de encontro entre o povo galego, o cubano, e as luitas de ambos no caminho face a liberdade e emancipaçom.

Sucesso da palestra sobre democracia e a auto-organizaçom cubanas

2009-10-07T03:48:00.000-07:00

A Brigada Galega Fuco Gomes quere agradecer a todas as pessoas que participarom na palestra que na passada sexta-feira decorreu no corunhês C.S. Gomes Gaioso.

Tivemos a oportunidade de escuitar a Valentim Alvite, membro da Associaçom de Amizade Galega-Cubana Francisco Vilhamil, com um interessantíssimo repasso por algúns dos titulares que conseguirom evitar a censura dos meios de comunicaçom burgueses e se convertem numha inmelhorável arma para desmontar as mentiras que envolvem à Revoluçom Cubana e a constante insistência em apresentar todas as novas em desde umha óptica negativa.

Alejandro Fuentes, cónsul de Cuba na Galiza, descreveu-nos o sistema eleitoral cubano. Assim algumhas das característica nas que foi aprofundando som, por exemplo, que @s candidat@s nom som apresentad@s polos partidos se nom que tod@ aspirante tem que ser apresentado desde a base, cada cidade divide-se em circunscriçons eleitorais dacordo à quantidades de habitantes onde se reúnem em assembleia e escolhem de 2 a 8 canditadat@s que iram passando o flitro das eleiçons. Tampouco existem as milhonárias campanhas eleitoras, em Cuba nom se gasta nada na propaganda eleitoral, e @s deputad@s cobram exactamente o mesmo salário ue cobravam no seu posto de trabalho.

Centrou-se especialmente no papel que desenvolvem os Comités de Defesa da Revoluçom (CDR) como dinamizadores dos bairros, contribuíndo ao alto índice de associacionismo que há na ilha. A sua constituiçom no 1960 para fazer fentre à contínua injerência externa e aos actos de desestabilizaçom do sistema político cubano fôrom dando lugar uns organismo que realiçam trabalhos na sua realidade imediata: Campanha de vacinas, limpeza de ruas, reciclagem, activaçom de mecanismos de aforros energéticos etc.

Por último a nossa companheira Noela Campanha, trasladou a própria experiência como brigadista além de informar da nova viagem e os objectivos que como colectivo internacionalista nos marcamos.

A valorizaçom que fai a BGFG é que realmente podemos dizer que vivemos numha auténtica democracia se o sistema que che rodeia che das os instrumentos para comprender e transformar a realidade na que estás inserid@; neste sentido, digam o que digam os meios burgueses, Cuba e a sua Revoluçom levam-nos muita muita vantagem.

Ao remate da palestra tivemos o orgulho de receber um diploma do consulado de Cuba na Galiza em reconhecimento ao nosso apoio a Revoluçom.

E para que o clima de camaraderia criado nom finaliza-se tam pronto ainda tivemos tempo de conversar entre petiscos de comida cubana e mojitos.

Palestra sobre Democracia e auto-organizaçom popular cubanas na Corunha

2009-09-29T09:31:00.000-07:00

A próxima sexta-feira dia 2 de Outubro decorrerá na Corunha umha palestra organizada pola nossa Brigada, com o objectivo de analisar umha das conquistas mais profundas atingidas pola Revoluçom triunfante em 1959, e à vez das mais manipuladas polos média do capitalismo: A democracia cubana.

Para elo, contaremos com a presença de Valentín Alvite, membro da Associaçom de amizade galego-cubana Francisco Vilamil, o cônsul de Cuba na Galiza Alejandro Fuentes e mais a companheira Noela Campanha, membro da Brigada Galega Fuco Gomes e brigadista na viagem realizada em 2008 à ilha.

A palestra tem como objectivo principal resgatar do limbo deturpador dos média espanhóis as fórmulas de participaçom popular no poder e a auto-organizaçom obreira e camponesa atingidas polo povo cubano após a Revoluçom, assim como a realidade dum sistema electivo muito mais democrático do que se pode observar na maioria dos países europeus, estado espanhol inclusive.

Com esta actividade a Brigada quer ir aquecendo os motores de cara à participaçom na iminente Brigada Camilo Cienfuegos que começará em 25 de Outubro, além de achegar a realidade de Cuba aos e às galeg@s que acreditamos num outro mundo que devemos construír, contraposto à barbárie capitalista e para o que nós também queremos aportar. Para este o nosso objectivo, a experiência cubana é fundamental, de aí o interesse em apreender dela.

Seguiremos informando nos próximos dias de mais actividades da Brigada.

Faleceu o comandante da Revoluçom Cubana Juan Almeida Bosque

2009-09-24T15:04:00.000-07:00

O membro do Buró politico e vicepresidente do Conselho de Estado , faleceu na Havana às 11:30 do 11 de setembro a consequência de um paro cardio-respiratório.

O companheiro Almeida nasceu na capital cubana , o 17 de fevereiro de 1927, no meio das privaçons dum fogar humilde e numeroso, onde se formou com a sua mae e o seu pai como guia nos mais altos valores patrioticos socialistas.

Quando se produjo o golpe de estado em 1952, somou-se à luta contra a tiranía e conheceu a Fidel. Era um operário albanel até o assalto ao quartel Moncada em 1953, e o 2º de 12 irmaos que ajudarom ao pai a manter à familia.

Foi a atitude invariável do assaltande do Moncada, do prisoneiro político na ilha de Pinos, do revolucionário exilado em México, do expedicionário do Gramma, do oficial nos dias fundadores do Exército Rebelde, que recibiu duas feridas de combate em El Uvero; do Comandante da 3ª Fronte Guerrilheira, e de chefe militar e dirigente revolucionário após o 1º de Janeiro de 1959.

A sua especial sensibilidade humana e artística fijo possível simultanear a sua fecunda labor como dirigente revolucionário, com umha valiosa obra artística, a qual inclúe mais de 300 cançons e umha dúzia de livros.

Também assumir a tarefa de dirigir a Associaçom de Combatentes da Revoluçom Cubana, organizaçom à que consagrou as suas derradeiras energias.

O domingo 13 o povo cubano rendiu homenagem a este heroi revolucionário no Memorial José Martí assim coma em diversas partes do país.

Brigada Fuco Gomes prepara nova viagem internacionalista

2009-09-18T15:44:00.000-07:00

Por segundo ano consecutivo dam-se por começados os preparativos para o envio dumha nova brigada galega a Cuba, que partirá a finais de Outubro para passar duas intensas semanas na ilha, e que de seguro servirám para conhecer a experiência do verdadeiro socialismo e afortalar o compromisso revolucionário d@s jovens brigadistas.

Deste jeito pretende-se dar continuidade ao caminho de solidariedade internacionalista encetado no ano 2008 ao tempo que difundimos a luita pola Independência e o Socialismo galegos nas Caraíbas, e brindamos o nosso humilde contributo ao estender o apoio à Revoluçom cubana na Galiza.

Nos próximos dias iremos pendurando neste sítio diversas informaçons atingintes à viagem, assim como a convocatória às diferentes actividades prévias que organizará a Brigada antes da sua partida.

Asilo político de jugadores cubanos: propaganda del negocio deportivo

2009-09-17T03:44:00.000-07:00

Oferecemos-vos interesante vídeo elaborado polo colectivo Cubainformación arredor da solicitude de asilo político por parte de três desportistas cubanos, no que se aborda nom só a farsa artelhada desde os meios de comunicaçom beligerantes com a Revoluçom cubana, senom também o desporto convertido em negócio para benefício duns poucos.

Almeida vive hoje mais do que nunca

2009-09-17T03:32:00.000-07:00

REFLEXONS DO COMANDANTE FIDEL CASTRO
Almeida vive hoje mais do que nunca

Levo horas escuitando por televisom a homenagem de todo o país ao Comandante da Revoluçom Juan Almeida Bosque. Considero que encarar a morte era para ele um dever como todos os que cumpriu ao longo de sua vida; nom sabia, e nós também nom, quanta tristeza nos traria a notícia de sua ausência física.

Tivem o privilégio de o conhecer: jovem negro, operário, combativo, que sucessivamente foi chefe de célula revolucionária, combatente do Moncada, companheiro de prisom, capitám de pelotom desembarcando do Iate Granma, oficial do Exército Rebelde― estagnado no seu avanço por um disparo no peito durante o violento Combate do Uvero―, Comandante de Coluna, marchando para criar a Terceira Frente Oriental, companheiro que compartilha a direcçom das nossas forças nas últimas batalhas vitoriosas que derrocárom a tirania.

Fum privilegiada testemunha da sua conduta exemplar durante mais de meio século de resistência heróica e vitoriosa, na luita contra bandidos, o contragolpe de Girón, A Crise de Outubro, as missons internacionalistas e a resistência ao bloqueio imperialista.

Escuitava com prazer algumhas das suas cançons, e em especial aquela de grande emoçom que perante o apelo da Pátria a “vencer ou morrer” se despedia de humanos sonhos. Ignorava que tinha escrito mais de 300 delas, as quais acrescentou a sua obra literária, fonte de leitura amena e de acontecimentos históricos. Defendeu princípios de justiça que serám defendidos em qualquer tempo e em qualquer época, enquanto os seres humanos respirem sobre a terra.

Nom digamos que Almeida morreu! Vive hoje mais do que nunca!

O 50º aniversário da Revoluçom cubana e a Brigada Fuco Gomes

2009-02-02T02:15:00.000-08:00

A seguir, reproduzimos a intervençom do companheiro da Brigada Fuco Gomes, Alexandre Rios, no debate organizado polo CS Henriqueta Outeiro em Compostela a passada quinta-feira 29 de Janeiro.

Na mesa-redonda também participarom Moncho Leal, membro da Associaçom galego-cubana Francisco Vilhamil, e Alejandro Fuentes, Cónsul de Cuba na Galiza.

O 50º aniversário da Revoluçom cubana e a Brigada Fuco Gomes

1. Introduçom

Antes de mais, a BFG quer agradecer ao CS Henriqueta Outeiro o dar-nos a oportunidade de participar neste debate sobre o socialismo cubano, mas também polo labor realizado na comarca compostelana em prol dumha Galiza revolucionária. Muito obrigado.

Pensemos nesta última palavra, “revolucionária”. Som apenas 14 letras, tardamos um segundo em pronunciá-la, mas a sua brevidade encerra um vastíssimo océano de luitas que tivêrom e tenhem lugar desde há séculos, e que com múltiplas diferenças e variedades tenhem um objectivo comum: Perseguem a libertaçom da humanidade, isto é, a revoluçom socialista. Nós pensamos que a dia de hoje, em 2009, em Cuba, na Galiza, essa meta é possível.

2. A Brigada Fuco Gomes

Mas antes de continuar, cumpre umha pequena apresentaçom sobre quem somos, como nascimos, e sobretodo, o quê fazemos.

Como nascimos

A BGFG constitui-se oficialmente em Dezembro de 2007 com três objectivos:

a) O fomento da solidariedade activa com Cuba entre a juventude trabalhadora galega.

b) A divulgaçom da luita revolucionária galega na própria ilha.

c) A defesa e difusom da Revoluçom Cubana na Galiza.

Quem somos

- A BGFG está formada por jovens galeg@s militantes ou simpatizantes da esquerda independentista, interessados em fazer trabalho internacionalista activo.

- O nomem da Brigada escolhimo-lo como homenagem ao fundador do independentismo galego, residente na Havana a maior parte da sua vida e de sólidas convicçons socialistas. O trabalho desenvolvido por Fuco Gomes por umha Galiza socialista e independente encetou-se já em 1921, quando funda o Comité Revolucionário Arredista Galego, primeira organizaçom que reclama a independência da Galiza, publicando sob a legenda Independência ou morte o primeiro manifesto político pola soberania plena da história da Galiza. A sua foi umha trajectória vital dedicada ao serviço da classe trabalhadora galega e à propagaçom da causa da independência socialista por toda Latinoamérica.

O quê fazemos

- A nossa actividade principal centra-se na organizaçom de brigadas de apoio à Revoluçom, a primeira das quais visitou Cuba a finais do verao de 2008. O nosso objectivo de mínimos e enviar umha delegaçom anual às Caraíbas, tentando afiançar a BGFG como um referente juvenil estável para a colaboraçom com a Revoluçom.

- Maliá isso, começamos já a trabalhar o terceiro objectivo prioritário do que tem de ser a nossa actividade: A criaçom de solidariedade com Cuba no nosso país. Temo-nos proposto a colaboraçom estreita com o consulado cubano e associaçons referenciais para nós, como é a Francisco Vilhamil, para juntar forças e organizar actividade neste sentido.

- Temos complementado o anterior com a publicaçom na rede a través do nosso blogue de diferentes conteúdos atingintes à Cuba: Reflexons do Comandante Fidel, artigos do Gramma, convocatórias de actos de apoio a Cuba, vídeos de Cuba TV, crónicas da viagem da primeira delegaçom de brigadistas, etc.

- Num breve lapso de tempo iniciaremos de novo o processo de constituiçom da segunda brigada, qualquer jovem interessado pode contactar com nós a través do correio electrónico.

3. A viagem a Cuba em 2008

Existem duas Cubas. A que nos vendem nos médios de comunicaçom de massas, e a ilha situada nas Caraíbas. No primeiro caso, quando falamos de Cuba apresenta-se-nos um regimem no que se persegue à dissidência, um governo militarista que opreme ao povo que diz representar, um executivo corrupto que se aferra ao poder, um panorama de emigraçom forçada, fechaçom ao exterior e totalitarismo encuberto.

Em geral, esta visom aponta boa parte das características básicas que tenhem em comum a prática totalidade dos estados capitalistas no mundo, incluídos por suposto a UE e o estado espanhol. A realidade que nos encontramos ao chegar ao aeroporto José Martí da Havana foi mui diferente a este aterrador cenário destilado polas cadeias de televisom e rádio.

O que vém a seguir é se calhar o mais interessante do dito até agora. Constitui umha série de valorizaçons, impressons e reflexons que @s jovens brigadistas galeg@s fixemos ao longo dos 15 dias que durou a estadia na Ilha. Inserid@s na brigada 50º aniversário, a experiência foi especialmente boa ao encontrar-nos na mesma brigada com delegaçons de esquerdas como a colombiana, salvadorenha, sulafricana, coreana, iraniana, chilena, grega, portuguesa, e um longuíssimo etcétera; que nos permitiu nom só conhecer a realidade cubana de primeira mao, mas as de naçons e estados muito afastados de nós, desde a óptica das suas esquerdas autóctones.

É importante salientar que além do intenso programa elaborado polo ICAP, tivemos muitas horas livres para iniciar o conhecimento da ilha por conta própria. Muitas das entrevistas informais que tivemos com cuban@s de a pé permitirom que nos fixessemos um mapa mental muito mais exacto da realidade cubana. Vamos entom a comentar algumhas destas reflexons:

a) Auto-organizaçom. É o traço definitório da populaçom cubana: Um nível de tecido associativo e organizativo popular como nom tinhamos visto até o momento. Merecem especial atençom os CDR, verdadeiros encarregados e dinamizadores da vida social nos bairros e vilas, pulverizando o abismo que existe no mundo capitalista entre umha administraçom alheia que impom as decisons, e umha massa trabalhadora que se vê obrigada a aceitar as ordens (caso da BRILAT em Ponte Vedra).

Lá, a própria populaçom cubana organiza e coordena a actividade no cámpo laboral, estudantil, cultural e político. Este alto índice de associacionismo nom só eleva a consciência popular, involucra ao povo cubano e contribui à sua formaçom ideológica: Situaçons como as provocadas polos ciclons Gustav e Ike, permitirom umha quase nula mortalidade graças a umha populaçom que está acostumada à organizaçom, e a um estado ao serviço da classe trabalhadora formado na maior parte por essa mesma classe que deve proteger. Cousa que desgraçadamente, nom acontece aqui, nem nos EUA, onde o Katrina tem deixado miles de mortos em Nova Orleans e redondezas, quando segundo a teoria oficial os EUA som o “primeiro mundo” e Cuba o “terceiro”.

Esta auto-organizaçom está dialecticamente ligada com o sistema político cubano, que mui longe do monopartidismo imposto sobre o que ladram os médios, contribui a umha quota de democracia e participaçom que deveria ser a inveja do sistema de eleiçons espanhol, sem ir mais longe. Para nom extender-me mais sobre isto, deixo ao cônsul a sua possível explicaçom no debate.

b) Liberdade de expressom. Nada mais chegar a Havana o primeiro que vimos foi a um homem com umha camisola da bandeira ianque com a águia imperialista de Washington. Botamos umha olhadela a um lado e ao outro. Nem uniformes, nem homens de gabardina apontando dados. Dias depois, um jovem recém conhecido ante o Capitólio expressava em público o seu desacordo com determinadas posiçons de Fidel Castro, todo elo ante média dúzia de brigadistas de todas as partes do mundo. Voltamos a observar o terreno na pesquisa de forças repressivas. Nem rasto.

Efectivamente, se nos lembramos da bateria de multas e juizos existentes na Galiza por assistência a manifestaçons, as tentativas de ilegalizaçom de organizaçons juvenís galegas, ou o estado de excepçom de facto existente em Euskal Herria; semelha-nos cómico que estes estados, especializados no seqüestro da liberdade a expressar-se, assinalem a Cuba como o nom vai mais da repressom neste cámpo.

c) Valores éticos. Décadas de caminho face o socialismo tenhem conformado umhas atitudes maioritárias que lembram a esse “homem novo” do que falava o Ché (nós engadimos-lhe também, a “mulher nova”). Os laços comunitários derivados da auto-organizaçom popular, da consciência da agressom estado-unidense e do resto dos países capitalistas cúmplices; assim como um intenso labor de pedagogia social de massas; tenhem configurado um povo cubano maioritariamente solidário, que assume as dificuldades na sua vida quotidiana como umha necessidade do combate ao imperialismo (anedota caramelos).

O enorme labor da revoluçom cubana em matérias como os programas de apoio médico ou educativo tenhem contribuído a sucessos como a declaraçom de Venezuela como território livre de analfabetismo, além de enviar solidariedade activa a muitos outros países do mundo.

d) Prestaçons e igualdade sociais. Pouco há que engadir ao já dito sobre isto: Só que os próprios estados capitalistas reconhecem o liderazgo cubano em educaçom e medicina a nível mundial. Como anedota, temos conversado com vigiantes nocturnos de biblioteca que lhe dariam umha boa malheira dialéctica a Tourinho, Quintana e Feijoo, num hipotético “Presidentes, tenho umha pergunta para vocês”.

Todo o exposto até o de agora nom contradiz a existência de problemas, e grandes. Longe de querer idealizar a Revoluçom cubana, somos conscientes de diferentes problemáticas que afectam a ilha. Desde a prostituiçom e as drogas, mercado polo de agora minorista importado polos próprios turistas a partir do Período Especial; até o défice de vivendas agravado polos ciclons, junto ao criminoso bloqueio e o terrorismo de estado dos EUA, como comprobamos com os 10 anos de seqüestro dos cinco heróis.

O novo governo de Barack Obama manifestou a través da Secretária de Estado Hillary Clinton que estas práticas nom vam mudar, e que EUA continuarám a empregar “o poderio militar e económico” na sua política exterior.

A isto úne-se um processo de debate sobre o futuro, mudanças e perspectivas do socialismo cubano para o século XXI, sobre o que tentamos conhecer alguns aspectos com diferentes militantes do PCC.

4. Conclusons

a) Quê oferta a experiência cubana à juventude?

Um outro modelo possível, umha saída. Umha esperança de atingir um futuro com umhas condiçons materiais de existência dignas para @s jovens, que possibilitem o seu desenvolvimento em todas as facetas das suas vidas sem as trabas que impom o capitalismo, sem desigualdades sociais, sem poder adulto, sem restriçons sexuais, sem machismo, sem exploraçom laboral, etc.

b) Por quê defender Cuba?

Porque constitui umha demonstraçom empírica de que um mundo radicalmente diferente ao existente pode construír-se. O caminho face o socialismo emprendido em 1959 deve continuar avante e aprofundar em si próprio, até a conseguiçom do comunismo. O planeta e a espécie humana nom suportará outros 100 anos de capitalismo como até o de agora.

A história de Cuba nos tira a venda dos olhos, evidência que a revoluçom, a justiça e a liberdade nom som utopias, e que podem e devem alcançar-se. O conformismo e pesimismo só conduzem a aceitar a mentira manifesta de que a realidade nom pode ser transformada.

c) Por quê é tam importante o internacionalismo juvenil?

A assunçom de que todas as luitas, maliá as suas condiçons concretas, formam parte dumha única luita contra o sistema global de opressom (o capitalismo patriarcal), leva-nos à juventude, que estamos no apogeu das nossas capacidades e que formamos as futuras geraçons adultas; a ter umha responsabilidade fulcral no que acontecerá neste planeta nas próximas décadas.

O tendido de laços de fraternidade com outros povos oprimidos e em luita, permite além do estreitamento da solidariedade entre ambos, a apreendizagem mútua. Esta é imprescindível para o sucesso na luita.

É importante salientar que o internacionalismo que nós professamos está nas antípodas do defendido por organizaçons pactistas como o PCE ou IU, que disfarçam o seu espanholismo patológico esgrimindo consignas como a de “os obreiros nom tenhem pátria” ou “as luitas dos povos prejudicam à luita de classes”.

Haveria que ver a resposta que lhe daria José Martí a estes intelectuais de postim se lhe dixeram na Guerra da Independência que os cubanos nom tinham pátria, que a sua luita pola independência enfraquecia a emancipaçom d@s trabalhadores/as, ou que Cuba formava parte do estado espanhol.

Na brigada temos um exemplo claríssimo desta extendida tara mental, reflexada nos ataques contínuos que nos lançou a delegaçom espanhola ao empregarmos o nosso direito a ter delegaçom própria como povo diferenciado que somos. Estes ataques passárom das injúrias directas (provincianos de merda, tontos do cú, etc.) até o retiro do nomem do país do cartaz das delegaçons, ou as pressons ao ICAP por reconhecer “movimentos independentistas”. E aí estám, as esquerdas espanholas, ombro com ombro na mesma trincheira que PSOE e PP.

Por último, e já que falava de Martí, queria rematar a palestra com umha frase sua, que expom o cerne do que é Cuba, e da Galiza que estamos a construír: “Luitar é a vida, e nom há que fugir dela”.

Brigada Fuco Gomes participa no acto de homenagem a José Martí

2009-01-27T10:56:00.001-08:00

O passado Domingo a Associaçom de Amizade Galego Cubana Francisco Vilhamil convocou no parque de Monteiro Rios de Vigo um acto de homenagem junto à estátua do herói nacional cubano José Martí.

A partir das 12 h. e maliá às inclemências meteorológicas, várias dúzias de pessoas se concentrárom para acoder pontualmente à cita, que se iniciou com umha intervençom da associaçom convocante na que se incluírom algumhas das aportaçons de Martí ao corpus teórico das actuais revoluçons socialistas latinoamericanas, assim como reflexons martinianas sobre o imperialismo espanhol e o tevroso papel que os EUA jogariam para a América futura, cujos piores prognósticos se virom confirmados.

A seguir tomou o relevo o cônsul cubano Alejandro Fuentes, quem abordou a vida do patriota cubano desde a sua tomada de consciência sobre a monstrosidade do escravismo e a opressom espanhola, até o seu nomeamento como General Maior do exército de libertaçom nacional cubano e a sua queda em combate.

Finalmente, e para rematar o acto, realizou-se umha ofrenda floral ante o monumento.

A Brigada Galega Fuco Gomes estivo presente no acto, muito mais depois do grande descubrimento da vida, factos e obra de José Martí que supujo a viagem a Cuba. Especial importáncia cobra para nós a intachável trajectória deste revolucionário cubano, cujas análises sobre a dependência nacional cubana e o imperialismo espanhol e ianque estám em muitas ocasions de toda actualidade na Galiza de 2009.

CS Henriqueta Outeiro organiza debate sobre a Revoluçom cubana

2009-01-27T01:15:00.000-08:00

Tirado do blogue do CS Henriqueta Outeiro

Dous representantes de entidades galegas de solidariedade com a Revoluçom Cubana e o Cônsul de Cuba na Galiza participam neste debate público no Centro Social Henriqueta Outeiro, de Compostela.

Nesta quinta-feira, dia 29 do presente mês, o Centro Social Henriqueta Outeiro dá continuidade à sua agenda de actividades, que no presente curso está a dar combinado encontros gastronómicos e palestras, além de jornadas de convívio, todo com um transfundo vermelho, lilás e azul e branco da nossa bandeira nacional.

Nesta ocasiom, a Assembleia Aberta tem o prazer de convidar a massa social da vizinhança de Compostela, nomeadamente a do nosso bairro, a um encontro com Alejandro Fuentes, cónsul de Cuba na Galiza, Moncho Leal, membro da histórica Associaçom de Amizade Galego-Cubana Francisco Vilamil, e mais o jovem Alexandre Rios, umha das 5 pessoas que em Verao do passado ano inaguravam as Brigadas Fuco Gomes. Com elas, um sector de pessoas deste país apostam por achegar ao máximo os vínculos de fraternidade entre a pátria de Marti e a de Castelao, a de Fidel e a de Reboiras, a de Célia Hart e a de Lola Castro... Como? compaginando a informaçom local sobre o processo revolucionário da maior ilha caribenha com o conhecimento em primeira pessoa dos fenómenos em curso lá, em estáncias promovidas para o intercámbio de ideias e a colaboraçom socialista.

Sobre a multidom de temas que sugire a realidade cubana hoje, no marco dumha crise sistémica aguda que nom oferece respostas satsifatórias aos Povos do mundo, falaremos a partir das 20,30 horas.

Ficades convidad@s!

Homenagem a Martí em Vigo

2009-01-25T01:01:00.000-08:00

A Associaçom de amizade galego-cubana Francisco Vilhamil organiza o Domingo 25 de Janeiro um acto de homenagem em Vigo ao patriota cubano José Martí. O acto celebra-se quando se cumplem 156 anos do nascimento desta importante figura para a Revoluçom cubana e o projecto bolivariano em marcha na “nossa América” e decorrerá nos Jardins de Montero Rios.

Ao acto, está prevista a assistência ao acto do Consul Geral de Cuba na Galiza, Alejandro Fuentes.

Da Brigada Fuco Gomes saudamos esta homenagem e animamos-vos a assistir para alargar a solidariedade com Cuba desde Galiza.

Domingo 5 de Outubro. Crónicas da Brigada Internacional do 50 Aniversário do Triunfo da Revoluçom

2008-11-25T02:17:00.000-08:00

O Domingo 5 a delegaçom galega aproveitou o último dia livre antes do começo do intenso programa do ICAP para conhecer Havana.

Mais umha vez esta foi umha visita parceira das delegaçons galega, brasileira e sul-africana, à qual se lhe somara mais um membro chegado o dia anterior.

O almorço foi um bocado mais tarde, às 7.00 da manhá, e foi como o do dia anterior mas em troca do pam com manteiga houvo um bolinho de pam com carne. O almorço do acampamento, variado e nutritivo, foi o mesmo ao longo dos 16 dias, com pequenas variantes: umhas vezes havia ovo cozido, outras manteiga e outras carne. E tal e como nos fomos enteirando era um almorço tipo, o que che ofereceriam em qualquer casa cubana.

Por volta das 8.00 @s delegaçons dos três países partírom para Havana primeiro a pé até umha paragem de autocarros próxima e depois de “camiom”, um veículo muito comum no agro cubano que semelha um camiom mas que se dedica ao transporte de pessoas.

Após 25 minutos de viagem chegamos às redondezas da capital cubana, a maior cidade da ilha, com cerca de 2,4 milhons de habitantes, situada na província de Cidade de Havana Havana. Lá apanhamos mais um autocarro para nos deslocarmos ao centro.

Ao longo do dia a delegaçom galega visitou as principais zonas da capital cubana: o seu formoso centro histórico, mistura de monumentos neoclássicos e barrocos, cujo conjunto foi incluído pola Unesco na lista do património mundial da humanidade em 1982; o Capitólio, reconvertido após o triunfo revolucionário em museu nacional, o magestuoso Centro Galego de Havana, hoje sede do Teatro Nacional, o Instituto Cubano do Livro...

Para além do interesse artístico cultural da cidade para nós, filh@s de um povo oprimido nacionalmente por Espanha como o fora anteriormente o cubano que luita polo triunfo do socialismo, interessava-nos de maneira especial poder falar com a gente na rua, com cubanos e cubanas anónim@s que exprmissem os seus pensamentos, as suas inquietudes, as suas dificuldades no dia-a-dia...
Daí que dedicássemos a prática totalidade do dia a falar com a vizinhança. Cum jovem estudante universitário que era muito crítico com o comunismo mas que se definia socialista e contrário ao capitalismo, que queria ter um “negócio em propriedade” e que era favorável à propriedade privada. Com este rapaz iniciamos um interessante debate sobre este tema fazendo-lhe ver que no capitalismo nom todo o mundo é dono senom que a grande maioria som simples trabalhadores e os donos som a minoria. Também tivemos cum actor ao pé do Centro Asturiano, lá onde há algo mais de um século morria o grande vulto da cultura galega Manuel Curro Henriques. Este actor teatral, que teria por volta de 55 ou 60 anos, era um grande conversador e um grande defensor dos valores da Revoluçom cubana. Militante comunista desde novo, foi explicando-nos os reptos que ao seu modo de ver tinha Cuba, os avanços e os recuos da Revoluçom, as ameaças à soberania da ilha... Finalmente, já na Instituto Cubano do Livro, que é na praça de Armas, situado em plena Havana Velha, o guarda de segurança, grande leitor e admirador da figura de Fidel, falou com a delegaçom galega durante mais de umha hora. Este senhor de 60 anos, viveu o triunfo da Revoluçom cubana muito de perto pois ajudara por amizade vári@s revolucionári@s a agacharem material explosivo na sua luita contra o tirano Batista. Porém, o seu grande sonho era deixar Cuba. Entom um dia escuitou falar Fidel e decidiu luitar ao lado de seus/suas companheir@s. O homem da barba, como este velho trabalhador de espírito juvenil chamava com grande carinho a Fidel, abriu os seus olhos “ao igual que os de tantos e tantas cunban@s”. A capacidade intelectual e humana deste homem foi o que levou à brigada galega a lhe dar umha das brochuras sobre a luita do povo galego pola independência e o socialismo que esse dia também demos à delegaçom da Coreia recém chegada de viagem.

O regime estado unidense fica só no mundo frente a dignidade da democracia cubana

2008-11-09T12:03:00.000-08:00

Tal e como nos informa o consulado de Cuba na Galiza, a finais do mês de Outubro a ilha das Caraíbas atingiu umha nova vitória contra o bloqueio dos Estados Unidos. Por décimo sétimo ano consecutivo os Estados membros da ONU rechaçárom maioritariamente esta desumana medida que o império utiliza com crueldade contra o democrático governo cubano. 185 países dos 192 representados neste organismo mundial exigírom ao país do tio Sam que cessasse o seu assédio à República caribenha dando cabo do bloqueio económico, financieiro e comercial que há quase meio século impujo ao povo cubano.

O regime estadounidense volta a demonstrar que o sistema político-económico que representa e defende nom só é irracional e injusto senom também claramente antidemocrático pois a pesar do tirom de orelhas mundial e quase unánime recebido continua na sua criminosa estratégia de esmagar a dignidade e soberania do povo cubano.

Nesta ocasiom o texto aprovado a 28 de Outubro em Nova Iorque apenas recebeu o voto em contra de três países e a abstençom doutros dous.

Cumprírom-se assim os acertados prognósticos do Chaceler cubano Felipe Pérez Roque, quem manifestara dias antes da votaçom o seu convencimento de que Cuba obteria o respaldo da comunidade internacional na batalha polo fim desta violaçom do direito internacional e dos dereitos humanos que é o bloqueio.

A seguir reproduzimos umha tabela que recolhe o comportamento da votaçom na Assembleia Geral de Naçons Unidas desde 1992.

Ano	Favor	Contra	Abstençom
1992	59	3	71
1993	88	4	57
1994	101	2	48
1995	117	3	38
1996	137	3	25
1997	143	3	17
1998	157	2	12
1999	155	2	8
2000	167	3	4
2001	167	3	3
2002	173	3	4
2003	179	3	2
2004	179	4	1
2005	182	4	1
2006	183	4	1
2007	184	4	1
2008	185	3	2

Fidel reflexiona sobre a crise do capitalismo

2008-11-08T11:57:00.000-08:00

REFLEXONS DO COMANDANTE FIDEL CASTRO

O analfabetismo económico

Chávez falou em Zúlia do "camarada Sarkozy", e dixo-o com certa ironia, mas sem ánimo de o ferir. Antes polo contrário, quijo reconhecer sua sinceridade quando, na sua condiçom de presidente rotativo da Comunidade de Países Europeus, falou em Beijing.

Ninguém proclamava o que todos os líderes europeus conhecem e nom confessam: o sistema financeiro actual nom presta e é preciso mudá-lo. O presidente venezuelano exclamou com franqueza:

"É impossível voltar a fundar o sistema capitalista, seria como uma tentativa de colocar a navegar o Titanic depois que está no fundo do Oceano."

Na reuniom da Associaçom de Naçons Europeias e Asiáticas, em que participárom 43 países, Sarkozy fijo confissons notáveis, segundo os telexes:

"O mundo vai mal, encara uma crise financeira sem precedentes pola sua magnitude, rapidez, violência, e as suas conseqüências sobre o meio ambiente ponhem em causa a sobrevivência da humanidade: 900 milhons de pessoas nom tenhem os meios para se alimentarem.

"Os que participamos desta reuniom representamos dous terços da populaçom do planeta e metade das suas riquezas; a crise financeira começou nos Estados Unidos, mas é mundial e a resposta deve ser mundial."

"O lugar para umha criança de 11 anos nom é a fábrica, mas a escola".

"Nengumha regiom do mundo tem liçom para dar a alguém." Umha clara alusom à política dos Estados Unidos.

No final recordou perante as naçons da Ásia o passado colonizador da Europa nesse continente.

Se Granma tivesse subscrito essas palavras, diriam que se tratava de um clichê da imprensa oficial comunista.

A chanceler da Alemanha, Angela Merkel, disse em Beijing que nom se podia "prever a entidade e duraçom da crise financeira internacional em curso. Trata-se, nem mais nem menos, da criaçom de umha nova carta constitutiva das finanças." Nesse mesmo dia fôrom divulgadas notícias que revelam a incerteza geral desatada.

Na reuniom de Beijing, os 43 países da Europa e da Ásia acordárom que o FMI deveria ter um papel importante assistindo os países gravemente afectados pola crise, e apoiárom umha reuniom de cúpula inter-regional na busca da estabilidade a longo prazo e do desenvolvimento da economia do mundo.

O presidente do governo espanhol, Rodríguez Zapatero, declarou que "existia umha crise de responsabilidade em que uns poucos se enriquecêrom e a maioria se está a empobrecer", que "os mercados nom confiam nos mercados". Fijo um apelo para os países fugirem do protecionismo, convencido de que a concorrência faria com que os mercados financeiros jogassem o seu papel. Ainda nom foi oficialmente convidado à Cúpula em Washington pola actitude rancorosa de Bush, que nom lhe perdoa a retirada das tropas espanholas do Iraque.

O presidente da Comissom Europeia, José Manuel Durão Barroso, apoiou a sua advertência sobre o protecionismo.

O secretário-geral da ONU, Ban Ki-moon, pola sua vez, reunia-se com eminentes economistas para tratar de evitar que os países em desenvolvimento sejam as principais vítimas da crise.

Miguel D’Escoto, ex-ministro de Relaçons Exteriores da Revoluçom Sandinista e actual presidente da Assembleia Geral da ONU, demandava que o problema da crise financeira nom fosse discutido no G-20 entre os países mais ricos e um grupo de naçons emergentes, mas nas Naçons Unidas.

Existem desacordos acerca do lugar e da reuniom onde deve ser adoptado um novo sistema financeiro que ponha fim ao caos e a ausência total de segurança para os povos. Existe grande temor de que os países mais ricos do mundo, reunidos com um grupo reduzido de países emergentes golpeados pola crise financeira, aprovem um novo Bretton Woods ignorando o resto do mundo. O presidente Bush declarou ontem que "os países que discutirám aqui, no mês próximo, sobre a crise global também devem voltar a se comprometerem com os fundamentos do crescimento económico a longo prazo: mercados livres, livre empresa e livre comércio."

Os bancos emprestavam dezenas de dólares por cada dólar depositado pelos poupadores. Multiplicavam o dinheiro. Respiravam e transpiravam por todos os poros… Qualquer contraçom os conduzia à falência ou à absorçom por outros bancos. Era preciso salvá-los, sempre a custa dos contribuintes. Fabricavam enormes fortunas. Seus privilegiados accionistas maioritários podiam pagar qualquer quantidade por qualquer cousa.

Shi Jianxun, professor da Universidade de Tongui, Shanghai, declarou em um artigo que publicou na ediçom exterior do Diário do Povo, que "a crua realidade tem levado a pessoas, no meio do pánico, a repararem que os Estados Unidos tenhem utilizado a hegemonia do dólar para pilhar as riquezas do mundo. Urge mudar o sistema monetário internacional baseado na posiçom dominante do dólar."

Com poucas palavras explicou o papel essencial das moedas nas relaçons económicas internacionais. Assim vinha acontecendo há séculos entre a Ásia e a Europa: lembremos que o ópio foi imposto à China como moeda. Disso falei quando escrevi "A vitória chinesa".

Nem sequer prata metálica, com a qual pagavam inicialmente os espanhóis desde sua colônia nas Filipinas os produtos adquiridos na China, desejavam receber as autoridades desse país, porque se desvalorizava progressivamente devido à sua abundáncia no chamado Novo Mundo recém conquistado pola Europa. Até vergonha sentem hoje os governantes europeus polas cousas que impugérom a China durante séculos.

As actuais dificuldades nas relaçons de intercámbio entre esses dous continentes devem-se resolver, segundo o critério do economista chinês, com euros, libras, ienes e iuanes. Nom há dúvidas que a regulaçom razoável entre essas quatro moedas ajudaria o desenvolvimento de relaçons comerciais justas entre a Europa, a Gram-Bretanha, o Japom e a China.

Estariam incluídos nesse contexto o Japom e a Alemanha ―dous países produtores de sofisticados equipamentos de tecnologia avançada, tanto para a produçom quanto para os serviços―, e o maior motor em potência da economia do mundo, a China, com ao redor de 1 400 milhons de habitantes e mais de 1,5 milhons de milhons de dólares nas suas reservas de divisas convertíveis, que som na sua maioria dólares e bónus do Tesouro dos Estados Unidos. Segue-lhe o Japom, com quase as mesmas cifras de reservas em divisas.

Na actual conjuntura, incrementa-se o valor do dólar pola posiçom dominante dessa moeda imposta à economia mundial, justamente assinalada e rejeitada polo professor de Shanghai.

Grande número de países do Terceiro Mundo, exportadores de produtos e matérias-primas com pouco valor agregado, somos importadores de produtos de consumo chineses, que soem ter preços razoáveis, e equipamentos do Japom e da Alemanha, os quais som cada vez mais caros. Mesmo quando a China tem tentado que o iuane nom fique sobrevalorizado, como demandam sem cessar os ianques para protegerem as suas indústrias da concorrência chinesa, o valor do iuane se incrementa e o poder aquisitivo de nossas exportaçons diminui. O preço do níquel, o nosso principal produto de exportaçom, cujo valor atingiu mais de 50 mil dólares a tonelada nom há muito tempo, nos últimos dias apenas ultrapassava os 8 500 dólares por tonelada, isto é, menos de 20 % do preço máximo alcançado. O do cobre se reduziu a menos de 50%; assim sucessivamente acontece com o ferro, alumínio, estanho, zinco e todos os minérios indispensáveis para um desenvolvimento sustentável. Os produtos de consumo, como café, cacau, açúcar e outros, para além de todo sentido racional e humano, em mais de 40 anos apenas incrementárom os seus preços. Por isso, há bem pouco tempo eu advertia igualmente que, como conseqüência de umha crise que estava ao virar da esquina, os mercados se perderiam e o poder aquisitivo de nossos produtos se reduziria consideravelmente. Nessa circunstáncia, os países capitalistas desenvolvidos sabem que as suas fábricas e serviços se paralisam, e só a capacidade de consumo de grande parte da humanidade já nos índices de pobreza, ou por debaixo deles, poderia mantê-los funcionando.

Esse é o grande dilema que coloca a crise financeira e o perigo de que os egoísmos sociais e nacionais prevaleçam por em cima das vontades de muitos políticos e estadistas angustiados perante o fenómeno. Nom tenhem a menor confiança no próprio sistema do qual surgírom como homens públicos.

Quando um povo deixa atrás o analfabetismo, sabe ler e escrever, e possui um mínimo indispensável de conhecimentos para viver e produzir honradamente, faltaria-lhe vencer ainda a pior forma de ignoráncia na nossa época: o analfabetismo económico. Só assim poderíamos saber o que está a acontecer no mundo.

Fidel Castro Ruz

26 de Outubro de 2008

17h15

Palestra em Compostela e Vigo sobre os reptos da economia cubana

2008-11-04T03:52:00.000-08:00

A Associaçom de Amizade Galego-Cubana Francisco Vilhamil organiza os próximos dias 6 e 7 de Novembro, umha interesantes palestras intituladas “Os novos reptos da economia cubana”.

As palestras serám impartida por Betsy Anaya Cruz, professora do Centro de Estudos da Economia cubana, e terám lugar na Galeria Sargadelos de Compostela apartir das 19h30 no dia 6 e na Casa do Libro de Vigo também às 19h30 mas do dia 7 de Novembro.

Num momento no que os efeitos da crise económica do capitalismo som mais evidentes, a palestra organizada pol@s companheir@s da "Francisco Vilhamil" é umha boa oportunidade de conhecer as reflexons desta experta em economia internacional assim como as reflexons sobre a crise dum povo que resiste desde há 50 anos os embates da besta imperialista.

Sábado 4 de Outubro. Crónicas da Brigada Internacional do 50 Aniversário do Triunfo da Revoluçom

2008-11-01T12:21:00.001-07:00

O Sábado 4 @s jovens acordárom às 6.30 da manhá, almorçárom um copo de leite ou de iogurte líquido à escolha, um bolo de pam com manteiga, sumo de laranja ou goiaba e fruta e partírom para a pequena cidade de Caimito, cabeceira do município Caimito del Guayabal. Acompanhada pola delegaçom brasileira e um membro da delegaçom sul-africana, a delegaçom galega começou o seu aprofundamento no conhecimento directo do processo revolucionário cubano trocando impressons com a vizinhança e achegando-se ao Comité de Defesa da Revoluçom (CDR) José Antonio Echeverria, nome do dirigente estudantil que no ano 57 tomou a sede da Rádio Relógio em Havana para informar o povo do ataque ao Palácio Presidencial batistiano e a raiz do qual foi assassinado.

Neste CDR número 6 de Caimito fôrom atendidos amavelmente por umha mulher, que lhes contestou algumhas perguntas sobre a vida quotidiana do povo e se ofereceu a os guiar até o posto de trabalho do presidente do comité ao que tod@s acedêrom com gosto. O presidente deste CDR era o director municipal de comunicaçons de Caimito e trabalhava na sede da companhia cubana de telefonia. Lá conversárom por volta de meia hora sobre o CDR número 6, que nos últimos dias se dedicaram à recolha de roupa e de garrafas para ajudar @s compatriotas que tinham sofrido mais de perto as acçons dos últimos furacáns. Aliás, o companheiro explicou o funcionamento dos CDR, o trabalho comunitário que fam aos domingos, as reunions mensais que tenhem com a Cámara municipal, a existência de diversas responsabilidades dentro dele como a de saúde pública, vigiláncia, juventude... Na conversa também fôrom abordados outros temas de interesse como os debates que houvo nos últimos meses sobre diferentes medidas adoptadas polo governo cubano, os textos de reflexom de Fidel, aspectos da vida quotidiana como a que dedicavam as suas férias e o seu tempo de lazer, etc. Ao se despedir, a Brigada Fuco Gomes fijo entrega ao presidente do CDR de umha brochura editada polo nosso colectivo sobre a realidade político e social da Galiza.

Finalmente acabamos a manhá indo até a sede local do PCC. No caminho a cederrista que fijo de guia foi explicando conceitos novos para muit@s de nós como o de “vanguarda nacional”, estímulo ganho por trabalhadoras/es que desenvolvem umha actividade exemplar nom só no centro de trabalho senom também na sua vida como activistas, realizando trabalho voluntário para a comunidade, interessando-se polos problemas do bairro e contribuindo aos resolver, etc e que consistia em ter umha semana de férias num hotel ou em que consistia a “permuta”, troca das casas que é feita entre a vizinhança umha vez ao mês para resolver problemas concretos de habitaçom que podam ter @s vizinh@s.

Na sede do Partido, @s internacionalistas tivérom umha reuniom com a primeira secretária da organizaçom em Caimito onde foi abordado um amplo leque de temas, desde o trabalho feminista até a relaçom com a Igreja católica, os efeitos dos ciclons ou a possibilidade de um ataque imperialista. A mulher, vestida com “fato de combate” como ela própria definiu o seu uniforme, pujo especial ênfase no grande labor que estava a realizar a juventude comunista cubana ao investir todo o seu esforço no trabalho voluntário de recuperaçom de alimentos binidos polos furacáns como era o caso dos cítricos e da banana, afirmou com orgulho que graças capazidade de auto-organizaçom do povo no município nom hovera perda de vidas e que toda a vizinhança ajudara a acolher nas suas casas 1884 pessoas para que as suas vidas nom corressem perigo durante o embate climatológico. A militante comunista também explicou que o governo dispugera albergues onde se refugíarom 649 pessoas e que estavam a trabalhar arduamente no cultivo de legumes e cereais de ciclo curto como feijons, favas ou milho para assegurarem a alimentaçom de todo o povo. Após a visita a esta vila rural @s brigadistas voltárom ao acampamento onde jantárom arroz, feijons, batata doce, espinafres, alface e carne de porco, água e sumo de laranja de bebida e fruta de sobremesa; e o resto do dia acabárom de se instalarem nos quartos e percorrêrom as redondezas do acampamento.

Crónicas da Brigada Internacional do 50 Aniversário do Triunfo da Revoluçom

2008-11-01T12:10:00.000-07:00

A 2 de Outubro umha brigada composta por 5 jovens do Norte e Sul da Galiza partírom a Cuba para fazerem parte da Brigada Internacional 50º Aniversário da Revoluçom Cubana. Esta viagem tinha umha releváncia especial por ser a primeira que o nosso colectivo realizava ao país irmao e por supor o início de umha das actividades centrais que a Fuco Gomes pretende consolidar com a organizaçom de brigadas de solidariedade com Cuba de forma anual.

Na reuniom mantida o dia antes à partida com o Cónsul de Cuba na Galiza, Alejandro Fuentes, @s brigadistas mostrárom o seu interesse por tentarem levar a maior ajuda possível ao heroico povo cubano com o intuito de contribuirem para paliar os efeitos dos devastadores furacáns que nos meses prévios tinham arrasado o arquipélago cubano. O diplomata aconselhou-lhes carregar todos os remédios e diverso tipo de material médico que puderem. Assim, @s noss@s companheir@s apanhárom o comboio para Madrid com três enormes caixas cheias de medicamentos e aparelhos de cirurgia, os quais seriam entregues o dia 3, após as 11 horas de comboio e as 9 horas de aviom, no aeroporto de Havana a um trabalhador do consulado que agradeceu com grande carinho o gesto da delegaçom galega.

A seguir @s jovens internacionalistas fôrom recebidos por funcionári@s do Instituto Cubano de Amizade com os Povos (ICAP) e levados de camioneta ao Acampamento Internacional Julio Antonio Mella, situado na vila de Caimito, na província de Havana. Ao chegarem, o ICAP ofereceu-lhes umha pequena refeiçom e mostrou-lhes as instalaçons deste acampamento fundado em 1972 e que tem acolhido desde entom mais de 55.000 brigadistas vind@s dos 5 continentes.

Membro da Brigada Galega Fuco Gomes voltam de Cuba após 17 dias de solidariedade internacionalista activa

2008-10-26T08:57:00.000-07:00

A passada terça feira chegavam à Galiza @s cinco jovens galeg@s que faziam parte da delegaçom galega da Brigada Internacional do 50 Aniversário da Revoluçom.

Segundo nos informárom @s própri@s jovens brigadistas esta viagem granjeou-lhes umha percepçom muito mais nítida do processo revolucionário cubano e imprimiu-lhes fôlegos para continuarem a defender desde este recuncho do mundo chamado Galiza o heroico e admirável povo cubano, “que resiste sem trégua os contínuos golpes do império, sobrepom-se aos furacáns e alumia os povos do mundo com o seu exemplo” segundo palavras de umha das raparigas integrantes da brigada .

Nos próximos dias penduraremos umha completa crónica da viagem e umha galeria fotográfica para que podades conhecer o trabalho d@s noss@s companheir@s na Ilha das Caraíbas.

A Igreja Ortodoxa Russa

2008-10-21T03:22:00.000-07:00

REFLEXONS DO COMANDANTE FIDEL CASTRO
A Igreja Ortodoxa Russa

É umha força espiritual. Nos momentos críticos da história da Rússia desempenhou um papel importante. Quando se iniciou a Grande Guerra Pátria, após o traiçoeiro ataque nazi, Staline recorreu a ela em apoio dos operários e camponeses que a Revoluçom de Outubro tornou donos das fábricas e da terra.

Quando a URSS ficou desintegrada, o imperialismo nom tivo nessa igreja um aliado. Por isso, quando em 2004, Sua Eminência Vladimir Mijailovich Gundiaev, Kiril Metropolita de Smolensk e Kaliningrado, visitou o nosso país, se lhe propujo construir na capital de Cuba umha Catedral da Igreja Ortodoxa Russa como um monumento à amizade cubano-russa. O Historiador da Cidade, Eusebio Leal, assumiria a responsabilidade de cumprir a tarefa. Nela foi colocada terra do local em que repousam os restos mortais dos soldados soviéticos que morrerom no nosso país durante as dezenas de anos que emprestaram aqui seus serviços. Por isso, quando no Domingo passado foi inaugurada a Catedral, sentim vontade de ter um intercámbio com a estimada personalidade da Igreja Ortodoxa Russa que nos visitava.

Amanhá, quinta-feira, estará na Venezuela dialogando com o presidente Chávez. Ambos se inspiram nos mesmos princípios éticos, emanados das prédicas de Cristo segundo os Evangeos, umha crença religiosa que os dous partilham. Depois visitará o Equador para conversar com Rafael Correa, um dirigente político que se formou na teologia da libertaçom.

A sua Eminência nom é inimigo do socialismo nem condena ao fogo eterno os que partimos do marxismo-leninismo para luitar por um mundo justo. Quando fala na Comissom de Direitos Humhanos da ONU ou outras instituiçons, é escuitado com grande respeito. No seu imenso país fala com freqüência pola televisom aos Sábados durante 15 minutos e é acompanhado com interesse por dezenas de milhons de pessoas.

A nossa capital se enriquece com um Templo digno da prestigiosa Igreja Ortodoxa Russa, que é umha prova irrecusável do respeito de nossa Revoluçom por um dos princípios fundamentais dos direitos humanos, consoantemente com umha Revoluçom socialista profunda e radical.

Nom há razom algumha para fazer a menor concessom ao imperialismo ianque. Tenho a impressom de que a Sua Eminência pensa assim. Nom é anti-muçulmano, respeita essa religiom. Dentro da sua conceiçom ecumênica, acredita que a igreja católica pode resolver os seus problemas com países como a China e o Vietnám.

Foi bem agradável e edificante intercambiar com ele.

Fidel Castro Ruz
21 de Outubro de 2008
19h40

O insólito

2008-10-15T03:18:00.000-07:00

REFLEXONS DO COMANDANTE FIDEL CASTRO
O insólito

No Domingo 12 de Outubro, os países da Zona Euro acordarom um plano anti-crise por iniciativa de Sarkozy, Presidente da França.

Na segunda-feira 13, eram anunciadas as cifras multimilionárias de dinheiro que os países da Europa lançarám ao mercado financeiro para evitar um colapso. As acçons subirom com as surpreendentes notícias.

Em virtude dos acordos mencionados, a Alemanha comprometera, na enquete de resgate, 480 bilhons de euros; a França, 360 bilhons; a Holanda, 200 bilhons; Áustria e a Espanha, 100 bilhons cada umha, e assim sucessivamente até atingir, juntamente com a contribuiçom da Gram Bretanha, a cifra de 1,7 trilhons de euros, que nesse dia ―visto que varia constantemente varia a relaçom de cámbio entre umha e outra moeda― equivaliam a 2,2 trilhons de dólares, que se somavam aos 700 bilhons de dólares dos Estados Unidos.

As acçons das grandes corporaçons que nom caírom na falência constatarom umha subida abrupta do seu valor que, embora estivesse longe de compensar as perdas sofridas nos nove dias trágicos, há permitir-lhes aos políticos e banqueiros do capitalismo desenvolvido desfrutar de umha dose de oxigênio.

Nesse próprio dia, à noite, o primeiro-ministro da Itália, Silvio Berlusconi, em um banquete celebrado na sua honra, que se realizou na Casa Branca, fixo um discurso para homenagear Bush: "Confiamos no presidente que tivo a coragem de por em prática aquilo que considerava justo, o que deve fazer para si, para o seu povo e para o mundo."
Realmente se excedeu!

Também nesse dia 13, o Prêmio Nobel de Economia 2008 foi outorgado ao cidadao dos Estados Unidos Paul Krugman. Trata-se, sem dúvida, de um defensor do sistema capitalista, mas ao mesmo tempo é muito crítico do presidente Bush.

Sob o título de Gordon o tem feito bem, publicado no dia 14 no El País, expressa diversas idéias, algumhas das quais merecem ser recolhidas textualmente:

"O natural é encarar o problema da falta de capital financeiro fazendo com que o Estado proporcione às instituiçons financeiras mais capital em troca de umha parte da sua propriedade…"

"Esta espécie de nacionalizaçom parcial temporária também era a soluçom preferida em privado por Ben Bernanke, o presidente da Reserva Federal".

"Ao anunciar o seu plano de ajuda financeira de 500 bilhons de euros, Henry Paulson, secretário do Tesouro estadunidense, rejeitava esse caminho evidente, alegando que ‘isso é o que se fai em caso de quebra.

"O governo británico foi directamente à raiz do problema e agiu com umha velocidade assombrosa para solucioná-lo."

"Paulson ―após ter dilapidado supostamente várias semanas muito valiosas― também deu marcha a ré e agora pretende comprar acçons bancárias em lugar de activos hipotecários tóxicos".

"Como já eu dixem, ainda nom sabemos se essas medidas funcionarám… Essa visom clara tivo que proceder de Londres e nom de Washington".

"Resulta difícil evitar a sensaçom de que a resposta inicial de Paulson estava desvirtuada pola ideologia. Lembrem que trabalha para um governo cuja filosofia pode se resumir em que ‘o privado é bom; o público é mau."

"Em todo o executivo, os peritos profissionais forom demitidos; talvez nom fique no Tesouro alguém com a estatura e a trajectória necessárias para lhe dizer a Paulson que aquilo que realizava nom tinha sentido".

"Por sorte para a economia mundial, o que estám fazendo Gordon Brown e os seus ministros sim tem sentido. E talvez nos tenham mostrado o caminho para ultrapassar esta crise."

Nem sequer o Prémio Nobel de Economia 2008 tem certeza, como ele confessa, de que essas medidas vam funcionar.

Som cousas insólitas.

Na terça-feira 14, as acçons nas Bolsas diminuíram de preço alguns pontos. Os sorrisos forom já mais estereotipados.

Os países capitalistas europeus, saturados de capacidade produtiva e de mercadorias, desesperadamente necessitados de mercados para evitarem greves de operários e dos especializados nos serviços, poupadores que perdam o seu dinheiro e camponeses arruinados, nom estám, portanto, em situaçom de impor condiçons e soluçons ao resto do mundo. Assim o proclamamos líderes de importantes países emergentes e dos que, pobres e saqueados economicamente, som vítimas do intercámbio desigual.

Hoje, quarta-feira 15, o valor das acçons nas bolsas caiu de novo estrepitosamente.

McCain e Obama discutirám ardorosamente esta noite o tema económico.

Na grande democracia dos Estados Unidos, metade dos que tenhem direito a votar nom estám inscritos; dos inscritos, metade nom vota, e apenas 25 % dos eleitores elegem os que governam. Muitos dos que agora talvez desejariam votar polo candidato negro, nom podem fazé-lo.

Segundo as pesquisas, esse candidato conta com umha maioria esmagadora. Contodo, ninguém se atreve a dizer qual será o resultado.

O dia 4 de Novembro é um dia de grande interesse para a opiniom mundial, devido à crise económica em que se debate a sociedade dos Estados Unidos.

Em matéria eleitoral, só de umha cousa podemos ter certeza: nas próximas eleiçons da Gram Bretanha, Gordon Brown nom será eleito primeiro-ministro.

Fidel Castro Ruz

15 de outubro de 2008

19h05

A verdade em batalha e o livro de Martín Blandino

2008-10-15T01:53:00.000-07:00

REFLEXONS DO COMANDANTE FIDEL CASTRO
A verdade em batalha e o livro de
Martín Blandino

Toda a imprensa internacional fala do furacám económico que açota o mundo. Muitos o apresentam como um fenómeno novo. Para nós nom é novo, estava previsto. Prefiro abordar hoje outro tema actual de grande interesse também para o nosso povo.

Quando escrevim a reflexom sobre Cangamba, nom conhecia o magnífico livro do jornalista e pesquisador cujos sobrenomes consigno no título desta que agora publico; apenas tinha assistido o filme Kangamba, que tam emotivas lembranças me trouxo à memória. Umha e outra vez relembrava a frase: Aqueles que tombarom em Cangamba nom morrerom em vao!

Era o mesmo propósito que inspirava a minha mensagem, no dia 12 de Agosto de 1983, ao Chefe da Missom Militar Cubana em Angola.

No amanecer, o inimigo se tinha retirado do campo de batalha, onde o número dos seus efectivos ascendia a mais de 3 mil homens armados e assessorados polos racistas sul-africanos, que desde o dia 2 de Agosto estavam a atacar de dia e de noite as trincheiras, ocupadas por 600 angolanos, aproximadamente, da 32 brigada FAPLA e 84 internacionalistas cubanos, mais um reforço de 102 homens enviados desde a regiom militar de Luena. Luitavam ali, sem descanso, angolanos e cubanos privados de água e alimentos, depois de terem sofrido 78 baixas mortais e 204 feridos, deles 18 mortos e 27 feridos eram cubanos. Ao iniciar a retirada, os atacantes perderom quase todas as suas armas e muniçons e sofrerom grandes baixas. As duas melhores brigadas da UNITA forom postas fora de combate.

O livro de Jorge Martín Blandino foi publicado no ano de 2007, quando por razons de saúde eu já nom estava na primeira linha. Foi fruto de umha longa pesquisa e de conversaçons com muitos dos que forom protagonistas dos factos, bem como da consulta de 34 livros que abordam o tema, alguns deles escritos por "oficiais sul-africanos da época do apartheid" ou pessoas que, enganadas, foram colaboradoras da Unita.

Num dos mais interessantes capítulos se afirma:

"Nessa noite, quando o relógio marcava as 14h00 na Havana e as 19h00 em Luanda, fala-se mais umha vez com a Missom Militar Cubana em Angola. Concluído o intercámbio por via telefónica, logo é enviado o telex que dá forma legal às indicaçons dadas, as quais reafirmam a decisom tomada anteriormente: evacuar, de maneira urgente, todos os cubanos de Cangamba; tentar convencer os angolanos de que figessem o mesmo; manter a exploraçom nos accessos ao povoado e emprestar atençom aos movimentos das tropas do inimigo na província de Moxico.

…Em Luanda, às 09h00, compareciam, para umha reuniom com o presidente José Eduardo dos Santos, o embaixador cubano Puente Ferro e o chefe do Estado-maior da Missom Militar Cubana em Angola, coronel Amels Escalante. Para surpresa dos dous cubanos, ali estava também o chefe da Missom Militar Soviética, general Konstantín. Logo depois chegam o ministro da Defesa de Angola e o coronel N’Dalu, chefe do Estado-Maior Geral das Fapla.

Primeiro entra no gabinete presidencial o embaixador, e fai entrega oficial da mensagem enviada a Dos Santos polo Comandante-em-Chefe. Posteriormente, passa o coronel Escalante e explica em detalhes a apreciaçom feita pola máxima direcçom cubana relativamente à situaçom nessa altura no plano militar, que fundamenta a decisom de evacuar os internacionalistas de Cangamba, a proposta de fazer o mesmo, de imediato, com os combatentes das Fapla e deter a operaçom em andamento na província de Moxico.

O presidente expressa que concorda com Fidel, e indica que fagam entrar ao general Konstantín. O chefe da Missom Militar Soviética pede a palavra e emite umha opiniom que causa surpresa e também desgosto entre os cubanos. Afirma que, como política, talvez pudesse aceitar a ideia, mas como militar nom está de acordo em deter a operaçom, visto que ao seu ver estám criadas as condiçons para explorar o êxito, por exemplo, com a introduçom de mais forças em combate, incluída a brigada de desembarque e assalto que acaba de chegar de Cuba.

O coronel Amels Escalante lhe recorda as muitas dificuldades surgidas com os fornecimentos durante os dias difíceis do ataque inimigo à aldeia. O militar soviético apela à recente chegada de um aviom IL-76, carregado de mísseis C-5, ao qual o cubano responde recordando-lhe que antes foi preciso trazé-los desde Cuba, pois no momento necessário nom se contou com eles. Perante o matiz que toma a reuniom, Dos Santos opta por concluí-la e adiar a tomada de umha decisom definitiva.

Poucas horas depois, ao meio-dia, o general Konstantín se apresenta no comando da Misso, Militar Cubana. Pede desculpas pola forma em que tinha exprimido os seus critérios na reuniom com o Presidente e reconhece que antes de emitir umha opiniom como essa, devia ter estudado profundamente a situaçom criada."

A explicaçom do historiador é claríssima. A situaçom embaraçosa fora criada e era realmente séria polas suas implicaçons em qualquer sentido. Todo estava em risco, e se tornou necessária umha forte dose de firmeza e sangue frio por parte do comando cubano.

No próprio livro, tomando diferentes momentos do mesmo, vai se explicando a essência:

"Coronel N’Dalu:
Nom há unidade de pensamento e quando existe esse problema uns tenhem umha ideia e outros… Dá-se grande importáncia ao se falar em ‘soberania’, mas resulta difícil ter tanto território, nom temos tropas suficientes. Nom é só Cangamba, há muitas posiçons que na realidade estamos lá para dizer que estamos, porém, estrategicamente, nom tenhem importáncia. Podemos esperar para mais tarde fazer outras ofensivas. Discutimos entre nós no Estado-Maior, com o ministro da Defesa, e nom há unidade de critérios. Por isso, em determinado momento algumhas decisons demoram porque é preciso convencer as pessoas, visto que se umha unidade se retirar e acontece algumha cousa, os outros dizem: ‘Aconteceu por causa dos que pedirom a retirada’; se ficar e acontece algumha cousa: ‛os culpados som os que disserom que as tropas se deviam manter ali’. Realmente, devemos defender as áreas mais povoadas, de maior interesse económico e social, e deixar para mais tarde os territórios que, estando ali a Unita ou nós, a balança nom muda. Eles dim que controlam, mas na verdade nom estám ali; o que sabem, sim, é que nós também nom estamos."

O autor resenha os documentos oficiais do Minfar:

"O comandante-em-chefe, depois de meditar um breve tempo, indica transmitir ao chefe da Missom Militar Cubana os seguintes argumentos: Pergunta-se que sentido agora tem ficar em Cangamba. Fica demonstrado que a cifra de helicópteros e avions de combate e transporte existentes em Angola, da mesma maneira que os fornecimentos disponíveis para eles, som insuficientes para garantir o apoio a umha operaçom de grande envergadura pola enorme distáncia das bases aéreas a que se encontra a pequena aldeia. Ainda mais complexo é, como se constatou na prática, garantir o avanço por terra de tropas de reforço, também localizadas a centenas de quilómetros que devem ser percorridos por caminhos intransitáveis e infestados de inimigos. Se foi extraordinariamente difícil deslocar os destacamentos blindados na temporada de seca, nem sonhar com umha movimentaçom de tal magnitude na época de chuvas que já se aproxima.

Foi obtido um grande sucesso, e nom seria racional aspirar a mais neste momento… Medita sobre os dias amargos passados durante o cerco e perigo de aniquilamento do pequeno grupo de internacionalistas, e alerta sobre a necessidade de ser realistas e nom se deixar arrastar pola euforia que sempre acompanha o triunfo: ‘Nom podemos deixar que a vitória se torne num revés’.

O chefe da Missom Militar Cubana concorda com isso, e é decidida a rápida evacuaçom dos internacionalistas cubanos destacados em Cangamba. Imediatamente, o comandante-em-chefe redige umha mensagem pessoal dirigida ao presidente de Angola, José Eduardo dos Santos" (a impugnada polo general Konstantín), "na qual, a partir dos mesmos raciocínios partilhados com o general de divisom Cintra Frías, coloca-lhe a necessidade de que as Fapla também evacuem as aldeias de Cangamba e Tempué, ao mesmo tempo, o peremptório que resulta fortalecer a defesa de Luena, Lucusse e Kuito Bie. Perante a realidade existente, comunica-lhe a decisom de retirar todos os cubanos de Cangamba num período curto. Também lhe sugere adiar até a próxima temporada de seca qualquer acçom ofensiva na regiom de Moxico, e concentrar polo momento os esforços na luita contra o inimigo no imenso território que separa à cidade de Luanda da linha que defendem as tropas internacionalistas cubanas no sul do país, zona que a Unita considera a sua segunda frente estratégica.

Ao mesmo tempo, o coronel Amels Escalante comunica ao chefe do Estado-maior Geral das Fapla e ao chefe da Missom Militar Soviética em Angola, a decisom do Comandante-em-Chefe de deter a operaçom que desenvolvem as tropas internacionalistas cubanas, perante as dificuldades com o deslocamento das colunas, os problemas de fornecimento, sobretodo para a aviaçom, e a proximidade da temporada de chuvas. Pouco depois o embaixador Puente Ferro e o coronel Escalante se reúnem com o ministro de Defesa para lhe transmitir a mesma informaçom."
O coronel Amels Escalante tinha a esperança de que o coronel N’Dalu, chefe do Estado-Maior das Fapla, compreendesse a necessidade de se retirar de Cangamba.

O general-de-exército angolano Kundi Payhama, combatente angolano de excepcionais méritos, contou-lhe ao autor: "Havia irmandade, havia fraternidade, e todo o que era feito aqui, era feito com um sentido diferente. A amizade, o carinho, o sacrifício, a entrega dos camaradas cubanos ao deixarem aqui o seu suor, o seu sangue, nom tem preço. Que se diga que somos irmaos de facto e eternamente. Nom há nada, mesmo nada neste mundo que justifique que algumha cousa se interponha na amizade entre Angola e Cuba."

(Segunda parte)

A intensidade das acçons do reduzido grupo de pilotos dos MIG-21 é expressa assim polo autor:

"Por muita discriçom que se exija aos que integram os Estados-Maiores e as dotaçons dos postos de comando, sempre se filtra algumha cousa de umha acçom de guerra que já dura mais de oito dias e mantivo em máxima tensom a centenas de homens e mulheres a ambos os lados do oceano.

Como ocultar, por exemplo, o barulho estrondoso de 239 despegues de avions de combate a reacçom e igual cifra de aterragens ―mais de 50 diárias―, embora tam alta cifra de missons tenha sido cumprida por apenas nove pilotos, que estiverom no ar umha média de duas horas e meia em cada um dos dias de combate, incluído um que cumpriu quase quatro missons diariamente, o que significa ter voado durante 3 horas e 45 minutos umha após outra dessas tensas jornadas.

Que método pode garantir que permaneça oculto o deslocamento dos milhares de homens que integram as colunas blindadas de reforço. Como conseguir que resulte invisível a marcha dos aproximadamente 200 carros que componhem cada umha delas, incluídos tanques, artilharia e transportadores blindados, ao longo de centenas de quilómetros para Munhango, Tempué, Luena e outros lugares, desde Huambo, Menongue e outros pontos da extensa geografia angolana.

A coluna blindada de Huambo, que se encaminhava a Cangamba, e posteriormente, ao cessar o cerco, recebeu instruçons de girar para a esquerda em direçom a Luena, informa pola rádio ao comando "que ficarom sem combustível". Tal e como o livro revela, "tanto esta coluna quanto a de Menongue receberom indicaçons para nom saírem do lugar onde se encontravam e tomassem as medidas de segurança até que forem reabastecidas. Toma-se a decisom de que os helicópteros lhes levem esse importante fornecimento. Como sempre, é bem difícil localizar a coluna. As aeronaves levam bastante tempo a voar sem encontrar o menor vestígio. Finalmente se localiza o lugar através de uns lençóis estendidos sobre as árvores."

O coronel Calvo comunica: "Saem 6 helicópteros de Luena para Munhango, uns 25 quilómetros a sul de Luena, para levarem 42 bidons de gasolina, mais ou menos uns 10 mil litros, para a coluna de Sotomayor. Na aterragem, quebram-se as pás do H-08. Também, posteriormente, partem para a regiom de Tempué para localizar a coluna de Suárez, para levar documentos e retirar três feridos que tenhem."

A coluna blindada de Suárez, que tinha partido de Menongue para Cangamba, encontrava-se a grande distáncia de Luena, de onde saem os helicópteros que levavam o combustível. É umha viagem longa, pola extensom de Angola, cuja superfície compacta abrange aproximadamente quase onze vezes a de Cuba. Era o território onde o assessor soviético, aconselhava lançar umha ofensiva com a brigada de assalto cubana, produzindo a contradiçom surgida.
"Minutos depois da meia-noite, quando já é Sábado 13 de Agosto em Luanda, comunica-se a Cuba que a ordem de evacuar até o último internacionalista cubano de Cangamba fora cumprida na íntegra. O alto comando das FAR ratifica a decisom de que a coluna de Huambo continue a sua marcha rumo a Luena, e que a de Menongue regresse a essa cidade" (importante baluarte da Frente Sul).

Coronel Calvo:

"Também é o meu aniversário e bem cedo recebo um beijo que me envia a minha família ―por telepatia―. Pola tarde, dam-me de presente umha garrafa de vinho e outra de rom; festejamos o aniversário do comandante (era no mesmo dia) e aproveitando a deixa celebro o meu também".

O autor continua explicando:

"Mas para os pilotos e para os integrantes das colunas blindadas, ainda resta muito para concluírem as acçons. Dous helicópteros despegam carregados com 14 bidons de gasolina, uns 2.800 litros, destinados à coluna de Menongue, que já iniciou a marcha de regresso a essa cidade. Logo que foi cumprido esse primeiro voo, dirigem-se para o aeroporto de Menongue e desde ali continuar abastecendo de combustível. Também outros quatro MI-8 despegam de Luena em direcçom a Munhango, carregados com outros 5.600 litros de gasolina. A sua missom é reabastecer a coluna de Huambo, que agora se dirige a reforçar as tropas que defendem a cidade de Luena."

Sobram razons para todas essas medidas, visto que a inquietaçom continua presente no comando cubano. As autoridades angolanas, ao que parece, decidirom, polo menos por enquanto, nom evacuar as suas tropas de Cangamba, e o risco de que o inimigo ataque de novo continua presente, tanto à aldeia quanto às colunas que ainda se deslocam por itinerários perigosos."

Na descriçom detalhada dos sucessos de Cangamba, partindo dos testemunhos e documentos, sob o epígrafe "A apreciaçom se confirma", o autor nos leva às horas mais tensas daqueles dias:

"Ainda falta para a saída do sol em Angola. É domingo 14 de agosto. Em Luanda o relógio marca as 04h45, e os combatentes de guarda no Centro de Comunicaçons do comando da Missom Militar Cubana permanecem submersos no sopor que acompanha o amanecer dos que passaram a noite de vela. A entrada de umha mensagem procedente de Havana, onde ainda som as 23h45 do dia anterior, dissipa rapidamente a modorra dos ocupantes do local atestado de meios técnicos.

Paulatinamente, o texto cifrado vai tornando-se inteligível. O seu conteúdo vai dirigido ao general de divisom Leopoldo Cintra Frías e contém instruçons precisas do Comandante-em-Chefe: ‘Estar preparados para brindar apoio aéreo às Fapla em Cangamba’. Se os angolanos decidirem finalmente se retirarem, ajudá-los com os helicópteros. Fidel alerta que o inimigo sofreu grandes perdas, mas nom nos devemos confiar: ‘Cumprimos com o nosso dever e agimos e aconselhamos o correto’."

Ao amencer desse Domingo, 8 avions de bombardeio sul-africanos figerom cair as suas mortíferas cargas sobre as posiçons que tinham estado ocupando as forças angolanas e cubanas em Cangamba. De novo se produzia a intervençom directa do regime da apartheid em Angola. Os ianques e os seus aliados sul-africanos nom se resignavam à desastrosa derrota. Os MIG-21 e os radares mais próximos estavam a 400 quilómetros.

"Coronel N’gongo (Chefe Adjunto do Estado-maior das FAPLA):
Umha vez derrotados os fantoches, os sul-africanos virom-se obrigados a intervir directamente no combate. É assim como as forças racistas sul-africanas, com quatro avions do tipo Canberra e quatro avions do tipo Impala MK-2 destruem completamente o povoado de Cangamba."

"Tenente-coronel Henry:
…Nós ganhamos a batalha em Cangamba, nós pilotos tínhamos previsto, inclusive, fazer um desfile aéreo com todos os meios, passar com os avions por ali, e Fidel dixo: ‘…nom quero ninguém ali, nem cubanos nem Fapla’. Tenho que reconhecer que cumprimos por disciplina, por confiança no comandante-em-ahefe, mas realmente nesse momento nom entendíamos…"

Coronel Escalante:
"…é verdade que o comandante-em-chefe, ou ele é mágico ou tem umha bola de cristal… Manda evacuar Cangamba urgentemente e pouco depois umha esquadrilha de Impalas e outra de Canberras lhe meterom tal bombardeamento a aquilo! Ele previu que os sul-africanos, precisamente tendo em conta a derrota que sofreu a Unita, vam bombardear ali. Nós na Missom dissemos: Caramba!, a verdade é que o comandante-em-chefe tomou umha decisom bem oportuna!"

General-de-divisom Leopoldo Cintra Frías:
"Às vezes a gente pensa que o chefe é adivino. Se os cubanos tivessem estado ali, entraríamos de novo em um combate ainda mais prolongado e em piores condiçons para nós, porque o fornecimento se teria tornado mais difícil mesmo!"

Essas opinions eram emitidas num momento em que as tensons se relaxavam, trás os dias incertos e dramáticos da batalha, mas nenhum daqueles chefes deixou de cumprir com absoluta disciplina, eficiência e seriedade, as instruçons recebidas. É totalmente certo que nos momentos difíceis, se nom houver confiança naqueles que dirigem, nada marcha.

Amels Escalante, que também é pesquisador sagaz e profundo, 20 anos mais tarde, descreveu com absoluto rigor a batalha de El Jigüe, onde 45 anos antes, no mês de Julho de 1958, ao redor de 120 homens, quase todos os recrutas da escola de Minas del Frío, sob o comando de dez ou doze chefes veteranos da nossa guerra na Serra Maestra, combatendo durante dez dias, ocasionaram ao exército inimigo e aos seus reforços três baixas por cada combatente que participou na acçom e ocuparom centenas de armas. Amels conseguira, com o mesmo método de Jorge Martín Blandino, mais detalhes do que eu relativamente ao desenvolvimento daquela batalha.

No seu livro Cangamba, Martín Blandino ilustra com pormenores:

"Entre 18 e 23 de Agosto de 1983, apenas uns dias depois da evacuaçom dos assessores cubanos de Cangamba, partem para Angola desde os portos de Santiago de Cuba, Matanzas e El Mariel, os navios Donato Mármol, Ignacio Agramonte e Pepito Tey. Repete-se assim, em outras circunstáncias, a proeza de 1975. Nas bodegas desses navios mercantes, ocultos aos meios de inteligência do inimigo, viajam rumo ao país africano três batalhons de tanques e um de infantaria motorizada. A esse primeiro passo lhe seguem logo muitos outros no plano militar, político e diplomático, até colocar as Fapla e o contingente internacionalista cubano em condiçons de derrotar a nova escalada do agressor estrangeiro e os seus aliados internos.

Todo isso acontece, também, em momentos em que Cuba encara a possibilidade de umha agressom militar direta em grande escala por parte das forças armadas dos Estados Unidos, quando o país está debruçado no gigantesco esforço que significa instrumentar a concepçom da guerra do povo todo, perante as constantes ameaças da administraçom norte-americana de Ronald Reagan…"

Como se precipitarom os acontecimentos que expom o pesquisador?

Desde Cuba vimos bastante rapidamente por umha lógica elementar as intençons do inimigo, na medida em que se desenvolviam os combates, e íamos adotando as medidas pertinentes de resposta. A primeira de todas elas, quando chegarom notícias do cerco à 32 Brigada e os seus assessores, foi decidir o rápido regresso a Angola do Chefe da Missom Militar, o general de divisom Leopoldo Cintra Frías, veterano da Sierra Maestra, consagrado simpatizante das FAPLA, que tinha viajado a Cuba nesse momento. "É preciso resgatar aquelas tropas custe o que custar", foi a ordem que ele recebeu.

A Brigada de Desembarque e Assalto (assim se chamava nessa altura) foi enviada por ar ao país sistematicamente agredido pola África do Sul.

Já expressei que durante anos estivemos a sofrer as consequências da impunidade de que gozava o regime fascista do Apartheid, que fora derrotado na sua agressom à República Popular de Angola. Expliquei igualmente à Direcçom soviética as razons e os pontos de vista sustentados por Cuba.
(Terceira e última parte)
Na medida em que se desenvolviam os dramáticos combates em Cangamba observamos que as intençons inimigas iam muito mais além de umha acçom isolada. Em primeiro lugar, tínhamos que salvar os internacionalistas cubanos e os homens da 32ª brigada das Fapla.

Em carta redigida do meu próprio punho e enviada aos sitiados em 7 de Agosto, prometemo-lhes que os resgataríamos custasse o que custar.

A brigada de desembarque e assalto foi enviada por ar desde Cuba. Seriam empregues todos os meios disponíveis, caso for imprescindível, por isso fazíamos um apelo para que resistissem como o figerom. Cumprida a missom de esmagar as forças atacantes, deviam ser adoptadas de imediato as medidas para desfazer os planos estratégicos do inimigo.

Blandino, nas suas investigaçons históricas, vai reconstruindo as intençons do inimigo com as provas e testemunhos do que foi recopilando:

“Nom apenas Cangamba está sob fogo do inimigo. Este ataca, simultaneamente, com artilharia e morteiros Munhango, Calapo, Tempué e Luena, populaçons todas localizadas no norte da aldeia Cangumbe. Só consegue tomar Cangumbe, no resto dos lugares é rejeitado. O objectivo estratégico do agressor é isolar a província de Moxico, impedir a chegada de reforços, para posteriormente se apoderar de Luena, cidade que pretende proclamar capital de umha chamada ‘república negra’ cindida de Angola, em busca de reconhecimento internacional. Mas no imediato o seu propósito é apoderar-se de Cangamba e capturar ou matar os assessores cubanos que lá estám. Aposta polo impacto político, moral e psicológico de um golpe como esse.”

General de Divisom Leopoldo Cintra Frías:
“O plano deles é tomar aquilo, tornar prisioneiros os oitenta e dous cubanos que lá estám e levá-los para fazer a tentativa de obrigar Cuba a negociar directamente com a Unita, sem a participaçom do governo angolano.”

General N’Dalu:
“A Unita, como sabe que há cubanos ali, coloca umha grande força, muitos homens, para ver se pode capturá-los e apresentá-los à imprensa internacional, por isso incrementam muito o esforço. Nós estamos muito preocupados por isso, seria muito ruim para todo, para a luita que estamos a levar a cabo, que houvesse prisioneiros cubanos apresentados, e em segundo lugar também se encontra o nosso pessoal ali a sofrer.

“O coronel Wambu (foi Chefe de Inteligência na operaçom de Cangamba das FALA, Forças Armadas para a Libertaçom de Angola da Unita; o seu testemunho tem um grande valor):
A participaçom da aviaçom sul-africana está prevista, sobretodo, pola presença cubana. Pode ser considerada como a primeira confrontaçom entre as forças coligadas sul-africanas e da Unita, e as forças do Estado angolano com os apoios que também pode obter. A presença cubana é de particular interesse estratégico.”

Em Cangamba, depois de se aproximar polo oeste e polo sul, o inimigo assesta o golpe principal com a 12ª e 13ª brigadas semi-regulares, duas das suas três mais importantes unidades. Também agem outros dous batalhons independentes e umha companhia de destino especial. Três mil homens. O potente agrupamento dispom de cinquenta a sessenta peças de artilharia e morteiros, sete instalaçons antiaéreas múltiplas de 14,5 milímetros, as conhecidas quatro-bocas, e de foguetes antiaéreos portáteis.

O mencionado coronel das FALA acrescenta:
“Se formos falar em termos clássicos, temos no terreno umha brigada num dispositivo alargado, visto que nom som apenas os três batalhons de infantaria, som efectivos ampliados consideravelmente, porque embora nom existam tropas terrestres sul-africanas como tais, no aspecto de infantaria propriamente dita, o componente de observadores e apontadores para o fogo aéreo, bem como da logística, para além dos motoristas, etc., pode-se falar em efectivos de até um batalhom. Pode se falar de umha brigada convencional de tropas das FALA, mais dous batalhons de comando e serviços, mais um batalhom combinado de homens de apoio à logística, artilharia, observaçom aérea, além dos oficiais de enlace da parte sul-africana: oficiais de inteligência, da força aérea e outras especialidades.”

“O tenente-coronel N’gongo (Chefe Adjunto do Estado-maior das Forças Armadas para a Libertaçom de Angola do MPLA):
Nesse mesmo dia a imprensa occidental começa a informar que Cangamba está cercada por nove mil homens, aproximadamente, portanto, cedo ou tarde, vai cair nas maos da Unita.”

A coluna blindada que partiu de Huambo, acrescentamos nós, reforçou Luena com forças suficientes para encarar qualquer ataque da África do Sul nessa direcçom, o qual constituiu um notável passo de avanço. Entre Luanda, capital de Angola, ao Oeste, e Luena, capital do Moxico, era preciso transitar 1100 quilómetros de estrada, umha distáncia similar à que medeia entre a Cidade de Havana e Santiago de Cuba. As pontes tinham sido destruídas polos bandos da Unita. As caravanas de fornecimento e os construtores de passos provisórios para abastecer as populaçons avançavam com muito trabalho pola rota; os pontos chaves deviam ser protegidos.

A coluna blindada de Menongue era fortemente reforçada, e junto com ela, a frente sul, com os novos batalhons de tanques enviados desde Cuba que já forom mencionados. Éramos mais fortes. Mas houvo que esperar ainda outros quatro anos e suportar as conseqüências das erráticas estratégias de Konstantín, que custarom muitas vidas angolanas.

O assessor soviético chegara à República Popular de Angola a finais de 1982 como chefe da Missom Militar do seu país. Cumprida a sua missom voltou à URSS em 1985, e voltou ao país africano com maior hierarquia militar em 1987. Ele foi o estrategista das absurdas ofensivas rumo a Jamba, no remoto sudeste de Angola, onde se localizava o hipotético posto de comando de Savimbi, enquanto os bandos da Unita, apoiados pola África do Sul, operavam em municípios próximos a Luanda, como já contei em outras ocasions. A última dessas ofensivas, sempre com resultados desastrosos, originou, no entanto, a batalha de Cuito Cuanavale, que marcou o começo do fim da Apartheid, quando as unidades angolanas, inutilmente batidas, recuavam e o exército da África do Sul chocou com a brigada de tanques, os BM-21 e as forças cubanas enviadas a defender a antiga base aérea da OTAN.

Nesse momento decisivo, o presidente de Angola deu o seu apoio total aos nossos pontos de vista. Mais de 30 mil soldados angolanos e 40 mil combatentes internacionalistas cubanos, com os seus oficiais e chefes, bem treinados e curtidos na luita, apenas concluírom os últimos disparos no distante baluarte, avançarom polo sudoeste de Angola rumo às linhas sul-africanas na fronteira com a Namíbia. Grande número dos tanques, artilharia com mísseis antiaéreos, outras armas e o pessoal correspondente forom enviados desde Cuba.

Com um número relativamente pequeno de avions MIG‑23 e a audácia dos nossos pilotos, ficamos donos do ar, mas eram poucos se se comparavam com as cifras de avions de combate da África do Sul. A URSS ainda existia. Foi o país que mais se solidarizou com Cuba. Gorbachov tinha ascendido à máxima direcçom do Partido e do Estado. Enviei-lhe umha mensagem pessoal solicitando-lhe com urgência 12 avions de combate MIG‑23 adicionais. Respondeu positivamente.

Em poucas semanas tínhamos construído umha pista avançada no sudoeste de Angola, a mais de 200 quilómetros da qual tinha sido a mais importante linha defensiva nessa direcçom. O nosso problema principal era a escassez de tanques auxiliares de combustível para os MIGs. Era quase impossível conseguir que alguém nos fornecesse alguns outros. Contodo, em qualquer das circunstáncias, os quartéis sul-africanos da primeira linha estavam ao nosso alcance e, salvo distantes avions de combate, apenas possuíam armas antiaéreas. Os poucos tanques auxiliares disponíveis nos permitiam bater os racistas inclusive em Windhoek, a capital da Namíbia.

Nom obstante, a África do Sul possuía sete armas nucleares que o governo de Reagan lhes forneceu. Adivinhamos, por determinados elementos de juízo, que podiam possuí-las; colocamos cargas explosivas na cortina de umha importante barragem dentro de Angola construída polos colonialistas portugueses quase nos limites da fronteira com a Namíbia, próxima das posiçons principais do Exército sul-africano nesse país. Prevendo que chegassem a empregar aquelas armas contra as tropas cubanas e angolanas, estas forom convenientemente desdobradas para enfrentar um eventual ataque desse tipo. Nom existia nada capaz de ultrapassar o heroísmo desinteressado dos combatentes internacionalistas decididos a liquidar o Apartheid.

A África do Sul nom suportou o desafio e negociou, depois que recebeu os primeiros golpes nessa direcçom, ainda dentro do território angolano. Na mesma mesa se sentarom durante meses os ianques, os racistas, os angolanos, os soviéticos e os cubanos. Ali estava, entre os que discutiam em favor da nossa causa, Konstantín. Já o conhecia, tinha tratado de evitar que se sentisse humilhado pola nossa discrepância e os nossos sucessos. Sem dúvida ele tinha influência no comando militar do glorioso Exército soviético. Os erros dele forom a contribuiçom mais importante à decisom adoptada polo nosso país para lhes proibir aos racistas intervirem em Angola e de rectificar os erros políticos que tinha cometido a Direcçom da URSS em 1976.

Generosos com o adversário em questons estratégicas, decidimos outorgar-lhe a Ordem “Che Guevara”. A recebeu com aparente satisfaçom. A sua pior falta nom foi o que fixo antes, mas depois. A URSS desapareceu e Konstantín fixo declaraçons oportunistas caluniando Cuba, que tam generosa se comportou com ele. O militar profissional de Cangamba, partidário das absurdas iniciativas que propujo, e inventor das estéreis ofensivas rumo à lonjana Jamba, deixara-se conquistar pola ideologia anti-cubana do inimigo. Nom haverá muitos que o defendam no seu patriótico povo.

Konstantín foi o seu nome de guerra. O nome próprio dele, sem mais sobrenome, o mencionei um dia; era o que lembrava bem nesse momento. Nom desejo reiterá-lo.

Savimbi continuou fiel ao seu espírito aventureiro e mercenário, primeiro, ao serviço dos colonialistas portugueses; depois, dos racistas sul-africanos; e finalmente, em forma directa, dos imperialistas ianques. Quando o suporte do Apartheid foi liquidado polo próprio povo sul-africano e o golpe contundente que recebeu em Angola, os ianques o colocarom sob o abrigo de Mobutu, que tinha reunido umha fortuna de 40 bilhons de dólares a pilhar Zaire. Com certeza Europa conhece bem dessa história. Savimbi recolhia diamantes no centro e no norte de Angola para ele e para a Unita. Continuou assim a sua brutal guerra contra os angolanos. Já os cubanos nom estavam ali ao cumprirem a rigor o seu programa progressivo de retirada, desta vez cumprida cabalmente a missom.

As Fapla, convertidas em forças armadas experimentadas e aguerridas, colocarom ao exército pro-ianque de Savimbi, apoiado por Mobutu, fora de combate. A Unita nom tivo outra alternativa do que abandonar a rebeliom. A naçom angolana preservou a independência e a integridade.

É preciso que jovens internacionalistas e revolucionários, capazes de sentir e agir, recolham para a história as páginas que foi capaz de protagonizar o povo cubano.

As FAR constituem para o nosso Partido um baluarte inexpugnável, um Exército Mambí que desta vez nom foi nem será jamais desarmado.

Fidel Castro Ruz
15 de Outubro de 2008
11h36

O fantasma da Casa Branca

2008-10-13T03:12:00.000-07:00

REFLEXONS DO COMANDANTE FIDEL CASTRO
O fantasma da Casa Branca

Há três dias, na sexta-feira 10 de Outubro, o mundo se abalava sob o impacto da crise financeira de Wall Street. Já se perdeu a conta dos milhons de dólares em notas de papel que a Receita Federal injectou nas finanças mundiais para que os bancos continuem funcionando e os poupadores nom perdam o seu dinheiro.

A reuniom dos ministros das Finanças do Grupo dos 7 concordou aplicar as seguintes medidas:

“– Adoptar acçons decisivas e empregar todas as ferramentas disponíveis para apoiar instituiçons financeiras importantes para o sistema e prevenir a sua falência.

– Dar todos os passos necessários para descongelar os mercados de créditos e monetários e assegurar-se de que os bancos e outras instituiçons financeiras tenham amplo accesso a liquidez e fundos.

– Garantir que os bancos e outros intermediários financeiros maiores poidam, segundo a sua necessidade, reunir capital de fontes públicas, bem como privadas, em montantes suficientes para restabelecer a confiança e permitir-lhes continuar dando empréstimos às famílias e aos negócios.

– Assegurar que os respectivos seguros nacionais de depósitos e o programa de garantias sejam robustos e consistentes de maneira que os depositantes retalhistas continuem a ter confiança na segurança dos seus depósitos.

– Agir, quando for apropriado, para relançar os mercados secundários para hipotecas."

Nesse mesmo dia, o secretário do Tesouro dos Estados Unidos confirmou que o governo comprará acçons dos bancos, somando-se com isso à iniciativa británica. Tanto os Estados Unidos quanto o Reino Unido indicarom que irám adquirir acçons preferentes, que som as que recebem lucros primeiro, mas que nom tenhem direito a voto.

O presidente Bush nom considerou necessária a sua presença nessa reuniom dos ministros das Finanças. Ia reunir-se com eles no Sábado. Onde estava ele na sexta-feira 10 de Outubro? Nada menos que em Miami. Comparecia em um acto de arrecadaçom de fundos para os candidatos republicanos da Flórida. Com a aprovaçom de apenas 24% dos cidadaos, era o chefe de Estado com menos apoio em toda a história dos Estados Unidos. Reunia-se com empresários e cabecilhas da ralé cubana de Miami. Continuava ali com a sua maníaca obsessom anti-cubana no final do seu tenebroso período de oito anos à frente do império. Nem sequer puido contar com o apoio da Fundaçom Cubano-Americana criada por Reagan na sua cruzada contra Cuba.

Por razons puramente demagógicas, esta lhe solicitara publicamente levantar com carácter provisório a proibiçom de enviar ajuda directa a familiares e afetados polos dous furacáns devastadores que açoitarom o nosso povo. Raúl Martínez, um ex-prefeito de Hialeah, adversário do congressista Lincoln Díaz-Balart, tinha feito críticas à actual política de quem fraudulentamente foi eleito Presidente com menos votos nacionais que o seu adversário, em virtude do peso da Flórida na contagem de votos eleitorais, quando na verdade nem sequer tinha ali a maioria.

No Domingo 12 de Outubro a Uniom Europeia, sob a presidência da França, concordou solicitar aos Estados Unidos a organizaçom dumha cúpula para "refundar o sistema financeiro internacional". Assim o declarou o presidente Nicolás Sarkozy, após umha reuniom dos países da Zona Euro em Paris.

Sarkozy indicou que a Europa agora deve se juntar aos Estados Unidos e a outras potências para atacar de raiz as causas da crise financeira que tenhem afundado os mercados bursáteis.

"Devemos convencer os nossos amigos estadunidenses sobre a necessidade de umha cúpula internacional para a refundaçom do sistema financeiro", assinalou Sarkozy, presidente de turno da UE. Nom será um presente para os bancos, afirmou com énfase o presidente da França.

O presidente dos Estados Unidos, George W. Bush entra hoje nos seus últimos 100 dias, ensombrecido por umha altíssima impopularidade e umha das crises económicas mais importantes das últimas décadas.

Pola sua parte, o ministro brasileiro de Fazenda, Guido Mantega, criticou hoje o FMI por colocar os países avançados como modelos a seguir, e dixo que na reforma futura do sistema financeiro nom devem primar as normas dessas naçons.

"O mundo assiste incrédulo enquanto a crise actual revela fraquezas e erros graves na política de países que eram tidos como modelos, países que eram apresentados como referências de bom governo", dixo Mantega perante o Comitê Monetário e Financeiro Internacional, principal órgao directivo do FMI.

Com a economia mundial destruída, o presidente dos Estados Unidos, conduzido a esse cargo de forma tam irregular e irresponsável, colocou em apuros todos os aliados da OTAN e o Japom, o mais desenvolvido e rico parceiro militar, económico e tecnológico dos Estados Unidos no Pacífico.

Hoje Miami é umha grande folia, e Bush se tornou um fantasma.

As bolsas nom caírom mais porque já estavam no chao. Hoje respiravam felizes com as colossais injecçons de dinheiro que de novo as incharom artificialmente às custas do futuro. Contodo, o absurdo nom se pode manter. Bretton Woods agoniza. O mundo nom voltará a ser o mesmo.

Fidel Castro Ruz

13 de Outubro de 2008

17h20

Acto de bem-vindas às e aos brigadistas

2008-10-12T10:07:00.000-07:00

www.icap.cu

“Recibimos-vos como irmaos que venhem extender a sua mao solidária a um povo noble e generoso que lhes expressa a sua gratitude”. Estas forom as palavras de Jorge Martí Martínez, máximo responsável do ICAP, no acto de recibimento às a aos membros da Brigada 50 Aniversário do Triunfo da Revoluçom, conformada por mais de 200 brigadistas de mais de umha vintena de naçons e que conta com umha representaçom da Galiza.

O acto de recibimento tivo lugar num abarrotado teatro do Acampamento Internacional Júlio António Mella, na localidade de Caimito, situada a uns 40 kilómetros da capital cubana. Ao mesmo assistirom diversas autoridades do ICAP e representantes do município que insistirom na especial releváncia do aniversário, o 50, que em poucos meses vai celebrar a Revoluçom cubana.

No seu discurso de bem-vindas, Martí também falou da oportunidade com a que contam @s brigadistas de conhecer de primeira mao os terríveis efeitos dos furacáns Ike e Gustav sobre a ilha, assim como os ingentes esforços que está a realizar o povo cubano para a sua superaçom. Neste acto nom podia faltar um recordo aos cinco herois, presos em cárceres ianquis.

A lei da selva

2008-10-11T03:05:00.000-07:00

REFLEXONS DO COMANDANTE FIDEL CASTRO
A lei da selva

O comércio dentro da sociedade e entre os países é o intercámbio de bens e serviços que produzem os seres humhanos. Os donos dos meios de produçom se apropriam dos lucros. Eles dirigem, como classe, o estado capitalista e se gabam de serem os impulsionadores do desenvolvimento e do bem-estar social através do mercado, ao qual se rende culto como deus infalível.

Dentro de cada país é a concorrência entre os mais fortes e os mais fracos, os de maior força física, os que se alimentam melhor, os que aprenderam a ler e a escrever, os que freqüentaram escolas, os que acumulam mais experiência, maiores relaçons sociais, mais recursos, e os que carecem dessas vantagens dentro da sociedade.

Entre países, os que tenhem melhor clima, mais terra cultivável, mais água, mais recursos naturais no espaço em que lhes coube viver quando nom existem mais territórios que conquistar, os que dominam as tecnologias, os que possuem maior desenvolvimento e manejam infinitos recursos midiáticos, e os que, polo contrário, nom desfrutam de nengumha dessas prerrogativas. Som as diferenças, às vezes abismais entre as que se qualificam como naçons ricas ou pobres.

É a lei da selva.

As diferenças entre as etnias nom existem no relativo às faculdades mentais do ser humhano. Isso está mais que provado do ponto de vista científico. A sociedade actual nom foi a forma natural em que evoluiu a vida humana; tem sido umha criaçom do homem já mentalmente desenvolvido, sem a qual nom se pode conceber a sua própria existência. Portanto, a questom que se pom é se o ser humhano poderá sobreviver ao privilégio de possuir umha inteligência criadora.

O sistema capitalista desenvolvido, cujo máximo exponente é o país de natureza privilegiada aonde o homem branco europeu levou as suas idéias, os seus sonhos e as suas ambiçons, hoje se encontra em plena crise. Nom é a crise habitual cada certo número de anos, nem sequer a traumática dos anos trinta, mas sim a pior de todas desde que o mundo seguiu esse modelo de crescimento e desenvolvimento.

A actual crise do sistema capitalista desenvolvido acontece quando o império está próximo a mudar de chefia nas eleiçons que se realizarám dentro de vinte e cinco dias; era a única cousa que faltava por ver.

Os candidatos dos dous partidos que decidem nessas eleiçons, tentam persuadir os votantes desconcertados ―muitos dos quais nunca se preocuparom por votar― de que eles, como aspirantes à presidência, som capazes de garantir o bem-estar e o consumismo do que qualificam de um povo de camadas médias, sem o menor propósito de verdadeiras mudanças no que consideram o mais perfeito sistema económico que tem conhecido o mundo; um mundo que, logicamente, na mentalidade de cada um deles, é menos importante do que a felicidade de trezentos e tantos milhons de habitantes de umha populaçom que nom chega ao 5% dos habitantes do planeta. A sorte do outro 95% dos seres humanos, a guerra e a paz, a atmosfera respirável ou nom, dependerá em grande medida das eleiçons do chefe institucional do império, se é que esse cargo constitucional tem ou nom poder real na época das armas nucleares e dos escudos espaciais conduzidos por computadores em circunstáncias tais que os segundos som decisivos e os princípios éticos tenhem cada vez menos vigência. Entretanto, nom pode ser ignorado o papel mais ou menos nefasto que corresponde a um presidente desse país.

Nos Estados Unidos existe um profundo racismo, e a mente de milhons de brancos nom se reconcilia com a idéia de que umha pessoa preta, com a esposa e os filhos, ocupem a Casa Branca, que se chama assim: Branca.

De puro milagre o candidato democrata nom tem sofrido a sorte de Martin Luther King, Malcolm X e outros, que albergarom sonhos de igualdade e justiça em décadas recentes. Além disso, tem o costume de olhar para o adversário com serenidade, e rir dos apertos dialécticos de um oponente que enxerga para o vazio.

Por outro lado, o candidato republicano, que cultiva sua fama de homem belicoso, foi um dos piores alunos do seu curso em West Point. Nom sabia nada de Matemáticas, segundo ele próprio confessa, e é de supor que muito menos das complicadas ciências económicas.

Sem dúvida, o seu adversário o supera em inteligência e serenidade.

O que mais abunda em McCain som os anos, e a sua saúde nom é para nada segura.

Menciono esses dados para assinalar a eventual possibilidade ―se algumha cousa acontecesse com a saúde do candidato republicano, se o elegerem― de que a senhora do rifle e inexperiente ex-governadora do Alasca fosse Presidenta dos Estados Unidos. Vê-se que nom sabe nada de nada.

Meditando sobre a dívida pública actual dos Estados Unidos que o presidente Bush descarrega sobre as novas geraçons nesse país ―10,3 milhons de milhons―, passou-me pola mente fazer o cálculo do tempo que levaria um homem para contar a dívida que ele praticamente tem duplicado em oito anos.

Supondo oito horas de trabalho diário sem perder um segundo, ao ritmo rápido de cem bilhetes de um dólar por minuto, 300 dias de trabalho por ano, um homem tardaria 715 mil anos para contar essa quantidade.

Nom encontrei outra forma gráfica de me imaginar o volume dessa quantidade de dinheiro que se menciona quase diariamente por estes dias.

O governo dos Estados Unidos, para evitar um pánico generalizado, declara que garantirá depósitos de poupadores que nom ultrapassem os 250 mil dólares; administrará bancos e cifras de dinheiro que Lenine, com ábacos, nom teria imaginado contabilizar.

Podemos perguntar-nos agora, qual é a contribuiçom que fará a administraçom Bush ao socialismo? Mas nom vamos fazermos ilusons. Quando o funcionamento dos bancos ficar normalizado, os imperialistas as devolverám às empresas privadas, como fijo algum que outro país neste hemisfério. O povo sempre paga as contas.

O capitalismo tende a se reproduzir em qualquer sistema social, porque parte do egoísmo e dos instintos do homem.

À sociedade humana nom tem outra alternativa que ultrapassar essa contradiçom, porque de outra forma nom poderia sobreviver.

Neste momento, as somas de dinheiro que lhes lançam às finanças mundiais os bancos centrais dos países capitalistas desenvolvidos está golpeando fortemente as bolsas dos países que tentam vencer o subdesenvolvimento económico e recorrem a essas instituiçons. Cuba nom possui bolsa de valores. Sem dúvida surgirám formas de financiamento mais racionais, mais socialistas.

A crise actual e as brutais medidas do governo dos Estados Unidos para se salvar, terám mais inflacçom, mais desvalorizaçom das moedas nacionais, mais perdas dolorosas dos mercados, menores preços para as mercadorias de exportaçom, mais intercámbio desigual. Porém trarám também aos povos maior conhecimento da verdade, maior consciência, maior rebeldia e mais revoluçons.

Veremos agora como se desenvolve a crise e o que vai acontecer nos Estados Unidos dentro de 25 dias.

Fidel Castro Ruz
11 de Outubro de 2008
18h15

Crónicas Brigada 50 aniversário do Triunfo da Revoluçom

2008-10-04T17:04:00.000-07:00

.:Crónicas da Brigada Internacional do 50 Aniversário do Triunfo da Revoluçom
.:Primeira jornada (04/10/2008)
.:Segunda jornada (05/10/08)

Somos e devemos ser socialistas

2008-10-04T10:01:00.000-07:00

REFLEXONS DO COMANDANTE FIDEL CASTRO
Somos e devemos ser socialistas

No 2 de Outubro passado, falamos do preço internacional dos combustíveis que estamos consumindo. Tenho a impressom de que, pola sua magnitude, chamou a atençom de muitos dirigentes e quadros.

Em geral, fala-se das porcentagens da populaçom que tenhem acesso à electricidade ou a outros serviços da vida moderna. Esta pode flutuar entre 40%, ou menos, e 60%, ou um pouco mais; irá depender do acesso aos recursos hidreléctricos ou de outros factores.

Antes do 1º de Janeiro de 1959, quase a metade da populaçom de Cuba nom tinha eletricidade. Actualmente, com umha populaçom de ao redor de duas vezes maior e amplo acesso a essa energia, o consumo se multiplicou várias vezes.

No nosso país, como em grande parte do mundo — exceto nas naçons muito ricas —, essa eletricidade chega por ar com a utilizaçom de torres, postes elétricos, transformadores e outros meios, muitos dos quais forom derribados polos fortes ventos dos furacáns Ike e Gustav em toda a Ilha.

Um artigo do jornal Granma, de María Julia Mayoral, destaca de maneira geral os destroços na rede elétrica causados polos dous fenómenos; mas, além disso, acrescenta que, durante a passagem dos furacáns, os grupos eletrógenos garantirom a eletricidade a "966 padarias, 207 centros de elaboraçom de alimentos, 372 emissoras de rádio, 193 hospitais, 496 policlínicas, 635 estaçons de bombeio de água, 138 lares de idosos, e a outros centros fundamentais."

"Essa garantia significa … que, em muito breve, tiverom que ser desmontadas centenas de equipamentos de emergência colocadas em entidades de produçom e de serviços, com o objectivo de instalá-las de maneira emergente em lugares sem conexons com o SEN. Isso foi possível, graças à acçom coordenada de brigadas de montagem de vários organismos, empresas de transporte e ao apoio das autoridades locais. Os meios transladados provisoriamente serám levados para os centros de origem quando a situaçom voltar à normalidade."

As palavras, que transcrevo de forma textual, demonstram o desvelo com que os dirigentes do Partido e do governo, nacionais e locais, se dedicarom a buscar soluçons.

O artigo de María Julia intitula-se "Despesas milionárias para fornecer energia à populaçom».

Considero oportuno lembrar que os grupos eletrógenos forom instalados com os objectivos seguintes:

• Garantir serviços vitais como a saúde ou a conservaçom de alimentos em qualquer circunstáncia;
• Produçons de alimentos industriais tais como pam, leite e outros géneros.
• Garantir fundiçons de aço, que nom podem ser interrompidas porque provocariam grandes prejuízos à indústria.
• Serviços da defesa e informaçons públicas que nom podem faltar em nengum momento. Basta assinalar os próprios centros de Meteorologia e os seus radares, que acompanham a trajectória dos furacáns.
• Geraçom progressiva de electricidade com consumo mínimo, muito mais eficiente que as termeléctricas disponíveis.

Ressaltados esses pontos, é necessário lembrar que os grupos eletrógenos vam, desde pequenos motores com potência para produzir 40 ou menos kW/hora, até equipamentos de mais de mil. Às vezes, há que somar vários desses motores, por exemplo, num centro hospitalário com avançado equipamento tecnológico e um sistema de climatizaçom indispensável, que soem ser grandes consumidores de energia.

Tais motores funcionam com diesel e sua eficiência cresce à medida que aumenta a sua capacidade de geraçom de electricidade até um ponto determinado. Precisam de graxas adequadas, reservas de peças, manutençom, etc.

Um número crescente de grupos eletrógenos som constituídos por motores que som de produçom contínua e que consomem outro combustível.

O ideal é que cada centro de produçom ou serviços referido receba eletricidade do Sistema Eletro-Energético Nacional (SEN), com maquinarias mais eficazes que trabalham com fuel oil, de muito menor custo que o diesel, obtido da refinaçom do petróleo, combustível de crescente uso no transporte de carga e de passageiros, em tractores e outros equipamentos agrícolas.

Quando os grupos eletrógenos que trabalham com diesel se convertem, por qualquer motivo, em geradores de eletricidade para as moradias e som submetidos a um regime de trabalho durante 20 horas ou mais, as conseqüências som negativas. O seu destino principal som as emergências e, no desenvolvimento actual de Cuba, um número reduzido de horas de pique.

Dentre os geradores que consomem hidrocarbonetos, nada pode comparar-se com os grupos eletrógenos que trabalham com fuel oil, embora o investimento seja mais custoso. Polo seu peso e complexidade, nom podem ser transladados de um lugar para outro em qualquer momento. Nesse sentido, unicamente som superados polas usinas de ciclo combinado a partir de gás, ao qual extraem previamente o enxofre e outros elementos poluentes.

É conveniente salientar a necessidade de que nengum dirigente esqueça que nom se deve perder um só minuto em reintegrar todos os motores que consomem diesel a suas funçons em municípios e províncias vizinhas mal acabe a emergência. Temos sério déficit desse combustível, gasta-se demais no país e foi imprescindível reduzir as quantidades demandadas.

A produçom e distribuiçom de alimentos e materiais de construçom, reitero, tenhem prioridade absoluta neste momento. Nom somos um país capitalista desenvolvido em crise, cujos líderes enlouquecem hoje, procurando soluçons entre a depressom, a inflaçom, a falta de mercados e o desemprego; somos e devemos ser socialistas.

Fidel Castro Ruz

4 de outubro 2008

19h35 •

Cónsul de Cuba na Galiza despide brigadistas galeg@s

2008-10-03T05:51:00.000-07:00

A quinta-feira dia 2 de Outubro, umha representaçom da delegaçom galega que participará na Brigada Internacional de Trabalho Voluntário “50 aniversário do Triunfo da Revoluçom”, entrevistou-se com o Consul de Cuba na Galiza, Alejandro Fuentes.

A visita serviu para que o Consul transmiti-se às e aos brigadistas a enorme catástrofe desatada na Ilha polos furacáns Ike e Gustav, junto com outros dous de menor entidade e impacto mediático, e os palnos de recuperaçom postos em marcha pola Revoluçom, assim como a importante resposta internacionalista de amig@s de Cuba. Ademais, @s brigadistas e o Consul falarom dos mais importantes episódios da luita de libertaçom cubana e da consiguraçom da liderança histórica de Fidel Castro.

Finalmente @s brigadistas forom despedid@s polo companheir@ Alejandro, citando-se para umha vez rematada a Brigada, compartilhar as reflexons e experiências da viagem internacionalista.

Um tema para meditar

2008-10-02T09:58:00.000-07:00

REFLEXONS DO COMANDANTE FIDEL CASTRO
Um tema para meditar

CUBA é um país onde a eletricidade, em circunstáncias normais, chega directamente a 98% da populaçom, onde existe um sistema único de produçom e fornecimento da mesma e se garante aos centros vitais em qualquer circunstáncia, através de geradores eletrógeneos. Assim que sejam restabelecidas as linhas de transmissom será assim de novo.

Vale a pena meditar um minuto a cada dia sobre o custo da energia elétrica, sem a qual, a vida civilizada no mundo actual se torna impossível. Isto é válido ainda mais, se chegar a época do ano em que as noites som mais longas e todas as luzes e equipamentos som ligados ao mesmo tempo, e som poucos os lares que nom disponhem de vários aparelhos eletrodomésticos.

Refletir no tema nos permite compreender o desafio de um grande número de países no mundo que devem importar o combustível. Em Cuba nunca abundou nem pode abundar a energia hidráulica, sem rios caudalosos; a solar, umha forma renovável e nom poluente de energia, embora custosa, é empregue em vários milhares de pontos que satisfazem as necessidades sociais; e por último, a eólica, cujas experiências se iniciarom sob o perigo destruidor dos furacáns. Nom vai cessar, por isso, o esforço para dar resposta às crescentes necessidades de energia.

A nossa produçom de eletricidade depende, fundamentalmente, das termeléctricas, construídas em todo o país nos anos de Revoluçom, pois antes apenas existiam, acompanhadas da extensa rede de que precisa umha ilha longa e estreita para compensar déficits regionais e os tempos de reparaçons imprescindíveis.

Nas nossas maos, no entanto, está a poupança do combustível que é consumido a cada dia nom só para produzir eletricidade, mas também nas actividades da naçom: indústria, transporte, construçom, amanho de terras, etc., etc. Nom vou enumerar todas porque som dezenas as circunstáncias em que aquele é consumido nom poucas vezes além do necessário, tanto em Cuba quanto em qualquer canto do mundo; porém, em nosso caso, com o agravante de nos ter acostumhado a receber da Revoluçom muitas cousas polas quais nom temos luitado. Inclusive, esquecemo-nos, muitas vezes, de que os furacáns existem, ao qual se acrescentam a mudanças climática e outros fenómenos criados pola chamada civilizaçom.

Um dado nos ajudaria a ilustrar tal situaçom: o valor da energia consumida anualmente por Cuba, aos preços vigentes deste ano, ultrapassa os 8 bilhons de dólares.

Se, por outro lado, é acrescentado o valor do níquel, do açúcar e dos produtos do Pólo Científico, que som os três principais produtos exportáveis, estes dificilmente atingem, aos preços actuais, os 2 bilhons de dólares, dos quais teríamos que descontar as despesas e insumos necessários para produzi-los.

É claro que essas nom som as nossas únicas receitas em divisas conversíveis. Pola exportaçom de serviços, a nossa Pátria obtém hoje mais receitas que pola exportaçom material que realiza. Talvez cheguemos, num prazo relativamente curto de tempo, a ser exportadores de petróleo. Já em parte o somos do óleo pesado, que nom pode ser refinado em Cuba polas nossas limitadas capacidades actuais.

Umha conclusom que podemos tirar do acima referido é que, diante da procura desmedida de combustível por parte dos organismos do Estado, a resposta foi categórica: reduza as actividades que pensou ou sonhou.

Alguns compatriotas nossos pensam certamente em tornar realidade todos os sonhos "impossíveis" que as pessoas desejam. Dentro do Estado, precisa-se de disciplina rigorosa e ordem absolutamente racional de prioridades, sem temor algum a estabelecer o que deve ou nom ser feito, e partindo sempre do princípio de que nada é fácil e que só do trabalho com qualidade e com intensidade devem proceder honradamente os bens materiais.

Os que nom devem faltar em nengumha circunstáncia som os meios disponíveis que transportam materiais, alimentos, e os recursos para a produçom e os serviços mais vitais.

Insisto mais umha vez na necessidade nom do trabalho burocrático imaginário, mas do trabalho físico imprescindível e irrenunciável. Nom ser apenas intelectual, mas também ser operário, trabalhar com as maos.

Fidel Castro Ruz

2 de Outubro de 2008

17h18 •

Kangamba

2008-09-30T09:55:00.000-07:00

REFLEXONS DO COMANDANTE FIDEL CASTRO
Kangamba

KANGAMBA é dos filmes mais sérios e dramáticos que jamais vim. Foi através da reproduçom de um vídeo na pequena pantalha de um aparelho de televisom. Talvez a minha opiniom esteja influenciada por lembranças que som impossíveis de esquecer. Centenas de milhares de compatriotas cubanos terám o privilégio de assistir esse filme no cinema.

Os artistas atuarom formidavelmente. Achei por um instante que para produzi-lo tinham necessitado da cooperaçom de dezenas de angolanos. Do ponto de vista humhano, observam-se cenas que fam pedaços o modo pejorativo e racista com que o imperialismo enfoca tradicionalmente a cultura e os costumes africanas. As imagens das casas incendiadas polos projécteis com que os governantes sul-africanos armarom umha etnia africana para lançá-la contra os seus irmaos angolanos jamais serám apagadas.

As cousas acontecidas naquele campo de batalha, no que os nossos compatriotas, junto aos angolanos, realizarom aquela façanha, forom realmente comoventes. Sem a resistência heróica deles, todos teriam morto.

Os que tombarom nom o figerom em vam. O Exército sul-africano foi derrotado em 1976, quando Cuba enviou até 42 mil combatentes para evitar que a independência de Angola, pola qual esse povo irmao luitou durante muito tempo, sucumbisse à invasao traiçoeira do regime do apartheid, cujos soldados forom obrigados a recuarem até a fronteira de onde partirom: da sua colónia na Namíbia.

Pouco depois do fim da guerra e do início da progressiva retirada dos combatentes cubanos por pressom da chefatura da URSS, os sul-africanos voltarom a invadir Angola.

A batalha de Cuito Cuanavale, quatro anos depois da de Cangamba — o seu verdadeiro nome ―, e o próprio drama vivenciado nesse ponto forom conseqüência de umha estratégia soviética errada na assessoria do alto comando angolano. Sempre fomos partidários de proibir o exército do apartheid de intervir em Angola, como no fim da guerra de 1976 fomo-lo de lhe exigir a independência da Namíbia.

A URSS fornecia as armas; nós treinávamos os combatentes angolanos e assessorávamos as suas quase esquecidas brigadas, que luitavam contra os bandidos da Unita, como a número 32, que operava em Kuanza, quase no limite central ao leste do país.

Sistematicamente nos negávamos a participar da ofensiva que quase todos os anos se dirigia ao posto de comando hipotético ou real de Jonas Savimbi, chefe da contra-revolucionária Unita, no lonjano extremo do sudeste de Angola, a mais de mil quilómetros da capital, com brigadas flamantemente equipadas com armas, tanques e transportadores blindados soviéticos mais modernos. Os soldados e oficiais angolanos eram inutilmente sacrificados quando já se tinham embrenhado na profundidade do território inimigo, ao intervirem as forças aéreas, a artilharia de longo alcance e as tropas sul-africanas.

Nesta ocasom, as brigadas, com grandes perdas, tinham recuado até vinte quilómetros de Cuito Cuanavale, antiga base aérea da OTAN. Foi nesse momento que se ordenou às nossas forças em Angola o envio de umha brigada de tanques para esse local e foi tomada a decisom, pola nossa conta, de acabar de umha vez para sempre com as intervençons das forças sul-africanas. Reforçamos as nossas tropas em Angola, de Cuba: unidades completas, as armas e os meios necessários para cumprir a tarefa. O número de combatentes cubanos ultrapassou dessa vez a cifra de 55 mil.

A batalha de Cuito Cuanavale, iniciada em novembro de 1987, foi combinada com as unidades que já se deslocavam rumo à fronteira de Angola com a Namíbia, onde tivo lugar a terceira acçom dessa magnitude.

Quando seja feito um filme ainda mais dramático do que Kangamba, a história fílmica recolherá episódios ainda mais impressionantes, nos que brilhou o heroísmo de todos os cubanos e angolanos, até a derrota humilhante do apartheid.

Foi no fim das últimas batalhas quando os combatentes cubanos estiverom próximos de serem atingidos, desta vez, junto aos seus irmaos angolanos, polas armas nucleares que o governo dos Estados Unidos forneceu ao oprobrioso regime do apartheid.

Seria de rigor produzir no seu momento um terceiro filme da categoria de Kangamba, que o nosso povo tem ao seu dispor nos cinemas de Cuba.

Enquanto isso, o império está mergulhado numha crise económica inigualável na sua decadente história, e Bush esganiça proferindo discursos disparatados. Nestes dias, é nisso que mais se fala.

Fidel Castro Ruz

30 de setembro de 2008

19h40 •

O socialismo democrático

2008-09-26T07:12:00.000-07:00

REFLEXONS DO COMANDANTE FIDEL CASTRO
O socialismo democrático

Nom desejava escrever de maneira consecutiva umha terceira reflexom, mas nom podo deixá-la para a segunda-feira.

O "capitalismo democrático" de Bush tem umha resposta exacta: o socialismo democrático de Chávez. Nom haveria forma mais exacta para expressar a grande contradiçom entre o Norte e o Sul do nosso hemisfério, entre as idéias de Bolívar e as de Monroe.

O grande mérito de Bolívar é ter expressado isso quando nom existiam os meios modernos de comunicaçom e nem sequer o Canal de Panamá. Também nom existia o imperialismo dos Estados Unidos; eram simplesmente as Treze Colónias de fala inglesa que, juntas, tornarom-se independentes em 1776 com a ajuda da França e da Espanha.

Como se fosse capaz de ver através dos séculos, o Libertador proclamou em 1829: "Os Estados Unidos parecem destinados pola Providência para eivar de misérias a América em nome da liberdade."

Hugo Chávez é um soldado venezuelano, em cuja mente germinaram de modo natural as idéias de Bolívar. Basta observar como transitou o seu pensamento por etapas diversas do desenvolvimento político, a partir da origem humilde, da escola, da academia militar, da leitura da história, da realidade do seu país e da humilhante presença da dominaçom ianque.

Nom era um general nem tinha sob as suas ordens os institutos armados; nom deu nem podia dar um golpe, nom queria nem podia esperar. Revoltou-se, assumiu a responsabilidade polos fatos, converteu a prisom em escola, ganhou o carinho do povo e o conquistou para a sua causa fora do poder; ganhou as eleiçons através de umha Constituiçom burguesa; jurou sobre o moribundo documento umha nova lei de leis, chocou idéias concebidas de esquerda e de direita, e começou a Revoluçom Bolivariana nas mais difíceis condiçons subjetivas de toda a América Latina.

Durante dez anos, na presidência do seu país, Chávez nom deixou de semear idéias dentro e fora da sua Pátria.

Nengumha pessoa honesta pode duvidar de que na Venezuela há umha verdadeira revoluçom em curso, e que ali é travada umha excepcional luita contra o imperialismo.

É bom sublinhar que Chávez nom descansa um instante, luita dentro da Venezuela e ao mesmo tempo viaja sistematicamente para as capitais de países da América Latina e para naçons importantes da Europa, da Ásia e da África. Comunica-se a toda hora com a imprensa nacional e internacional, nom teme de abordar qualquer tema, é escuitado com respeito polos principais líderes do mundo, fai uso correto e eficaz do poder real da sua Pátria como país que possui as maiores reservas de petróleo provadas do mundo, junto à existência de abundante gás e elabora um programa nacional e internacionalista que nom tem precedentes.

Quando assina um acordo de parceria entre a Gazprom da Rússia e a PDVSA da Venezuela para a busca e exploraçom de combustíveis, está criando um consórcio nesse sector inigualável no mundo. A sua parceria econômica com a China, a Rússia, países da Europa e outros com recursos abundantes da América Latina e da África, desata forças liberadoras para dar lugar a um mundo multipolar. Nom exclui os Estados Unidos do fornecimento de energia e da troca comercial. É umha conceiçom objectiva e equilibrada.

Expom para a sua própria Pátria umha revoluçom socialista, sem excluir importantes factores produtivos.

Para a nossa Pátria, em um momento histórico em que é golpeada pola natureza e polos embates criminosos do decadente império, constitui um verdadeiro privilégio contar com a solidariedade de Chávez. Jamais foi escuitada umha frase tam internacionalista e solidária como a que dirigiu a nosso povo: "A terra da Venezuela é também a tua terra!"

O imperialismo tenta liquidá-lo politicamente ou eliminá-lo custe o que custar, sem reparar em que a sua morte constituiria umha catástrofe para a Venezuela e para a economia e a estabilidade de todos os governos da América Latina e do Caribe.

As mnhas conversas com ele se caracterizam polo ponto de vista que sustento de que, neste instante, o mais importante é salvar a Venezuela da investida política do governo dos Estados Unidos. Durante a sua última visita, discutimos sobre a magnitude do apoio que já nos dá e aquele que deseja nos dar, e a nossa sugestom de que concentre o máximo de recursos possível na batalha interna que hoje trava contra a ofensiva da mídia e os reflexos condicionados semeados durante muitos anos polo imperialismo.

De agora até 23 de Novembro, a batalha que trava é de grande importáncia, e nom desejamos que o apoio a Cuba seja usado como pretexto para golpear a Revoluçom Bolivariana.

Os 92 operários venezuelanos da construçom, membros das Brigadas Socialistas de Mutirám, enviados para construírem moradias em Pinar del Río, constituem um símbolo da nossa época.

Vivem-se momentos de muita importáncia. A consulta popular para aprovar a nova Constituiçom no Equador depois de amanhá, tem umha grande releváncia. Chávez reunirá-se na segunda-feira, no Brasil, com o presidente Lula. Hoje, à noite, há um debate na televisom entre Obama e McCain. Todas som notícias importantes.

Por isso, nom quero deixar para a segunda-feira estas linhas, visto que Chávez, amanhá, sábado, estará de volta em sua Pátria e falando de novo a seu povo no domingo. Ele sempre utiliza algumha cousa destas reflexons na sua batalha.

Fidel Castro Ruz

26 de Setembro de 2008

17h56

A autocrítica de Bush

2008-09-25T06:59:00.000-07:00

REFLEXONS DO COMANDANTE FIDEL CASTRO
A autocrítica de Bush

Num breve discurso de 15 minutos, o presidente dos Estados Unidos afirmou cousas que ditas por qualquer adversário teriam sido qualificadas de atrozes e cínicas calúnias contra o sistema económico do seu país, que ele chamou de "capitalismo democrático".

Depois de apelar dramaticamente para o Congresso lhe dar 700 bilhons de dólares adicionais, a fim de encarar a crise, entre outras razons, sustentou os motivos seguintes:

• Este é um momento extraordinário para a economia dos Estados Unidos.

• Temos visto situaçons lamentáveis na economia dos Estados Unidos.

• O objectivo é preservar a economia do país.

• Eu assinalei que a economia global continua sendo governada polas legislaçons do século XX e é preciso adaptá-la às finanças do século XXI.

• Os bancos viram o crédito restringido.

• Muitos prestamistas aprovarom créditos sem analisar a capacidade de pagamento.

• Como é que chegamos até aqui? Qual será o futuro financeiro do país?

• Os economistas afirmam que som problemas que datam de mais de umha década.

• Muitos economistas concordam em que os problemas actuais acontecerom durante muito tempo.

• Muitos empresários conseguirom créditos para fazer negócios, comprar casas, carros, etc. Houvo muitas conseqüências negativas, especialmente no mercado imobiliário.

• Muitos prestamistas aprovarom créditos sem analisar a possibilidade de pagamento dos seus clientes.

• Muitas pessoas pensarom que podiam pagar as suas hipotecas e nom foi assim.

• Todo isto tivo efeitos que foram além do mercado imobiliário.

• Os títulos ou valores som vendidos para os investidores em todo o mundo. Muitos acharom que os títulos possuíam valor tangível.

• Muitas companhias, como a Fredie Mac, pedirom muito dinheiro emprestado, pondo em risco o nosso mercado financeiro.

• Os grandes bancos tinham umha grande quantidade de activos que nom podiam vender.

• Outros bancos tiverom situaçons similares e o crédito disponível se esgotou.

• Muitos acreditavam que tinham o aval do Governo Federal, pondo em risco o nosso sistema financeiro.

• A situaçom agravou-se ainda mais com o decurso do tempo.

• Eu acredito firmemente na livre empresa.

• O declínio imobiliário tivo um efeito dominó.

• Acho que as companhias que tomarom decisons erradas deverám pagar por isso. Em circunstáncias normais, eu nom teria optado por isto, mas nom estamos em circunstáncias normais.

• O mercado nom está funcionando adequadamente. Há umha grande perda da confiança.

• Os principais especialistas do governo concordam em que, se nom for tomada umha acçom imediata, isto vai suscitar pánico no país, com mais bancos na bancarrota e um efeito negativo nas contas da aposentadoria, vam incrementar-se os embargos de imóveis e milhons de estadunidenses vam perder os seus empregos.

• O país poderia encarar umha recessom longa e dolorosa. Nom podemos permitir que isto aconteça.

• Muitas pessoas se perguntarám como vai funcionar este plano de resgate.

• Devemos agir com a maior rapidez possível.

• O governo destinaria até 700 bilhons de dólares para injectar liquidez.

• O governo tentará que os mercados se normalizem o mais rápido possível.

• Temos reparado como umha companhia pode crescer tanto, que o seu valor pode comprometer todo o sistema financeiro.

• O governo deve ter licença para vigiar as empresas, visando garantir que o seu crescimento nom comprometa a economia global.

• O capitalismo democrático é o melhor sistema desenvolvido.

• Sei que, por vezes, os estadunidenses ficam desanimados, mas esta situaçom é temporária.

• A história demonstrou que em tempos de necessidade, os seus líderes se unem para enfrentarem estas circunstáncias.

• Amanhám vam reunir-se, na Casa Branca, Obama, McCain e outros líderes do Congresso.
Terminou as suas palavras agradecendo.

Alguns assinalam o facto de que Bush nom tirou um minuto os olhos do teleprompter, com a testa franzida.

George W. Bush nom só confessou ontem essas verdades, mas também lançou outra espécie de Aliança para o Progresso.

A primeira de todas foi o colossal engano de Punta del Este em 1961, concebida por Kennedy, depois da Revoluçom em Cuba.

A penúltima, como é sabido, foi a de Bill Clinton e chamou-se Área de Livre Comércio das Américas (Alca), assinada em 1994. Esta recebeu o tiro de misericórdia em Mar del Plata no ano de 2005.

O mesmo dia da "autocrítica", Bush lançou a ICPA: Iniciativa para o Caminho à Prosperidade na América. É umha denominaçom, ademais, ridícula.

Ao ver a lista dos dez países latino-americanos envolvidos em Nova York com a Iniciativa, pude observar a ausência do Brasil, Argentina, Uruguai, Paraguai, Bolívia, Equador, Venezuela e Nicarágua, quer dizer, quase todos os da América do Sul e um da América Central, cujo ex-chanceler, Miguel D’Escoto, sandinista e sacerdote da Teologia da Libertaçom, preside neste momento a Assembléia Geral das Naçons Unidas.

De acordo com a fantasia recorrente de Bush, o projecto sobre o qual falam as agências de notícias, segundo as palavras do presidente aos governos dos dez países latino-americanos presentes, "permitirá trabalhar para garantir que os lucros do comércio sejam amplamente compartilhados."

"Fortalecerá os vínculos entre os mercados regionais e vai ampliar a nossa cooperaçom em assuntos de desenvolvimento."

"Convém-nos continuar abrindo mercados, especialmente na nossa própria vizinhança."

Tais factos constituem um óptimo material de estudo para a batalha ideológica.

Que progresso pode o imperialismo garantir a qualquer país da América Latina com as suas armas atômicas,a sua indústria de armamentos, as suas frotas de porta-avions nucleares escoltados, as suas guerras de conquista, o intercámbio desigual e o saque permanente de outros povos?

Dentro do "capitalismo democrático", a autocrítica nom é umha categoria incluída. De qualquer maneira, nom é preciso sermos ingratos nem mal-educados: devemos agradecer a Bush a sua genial contribuiçom para a teoria política.

Fidel Castro Ruz

25 de Setembro de 2008

18h35

O objectivo irrenunciável

2008-09-24T06:40:00.000-07:00

REFLEXONS DO COMANDANTE FIDEL CASTRO
O objectivo irrenunciável

Ao redor de 35 mil especialistas cubanos da saúde prestam serviços gratuitos ou compensados no mundo. Adicionalmente, um número de jovens médicos de países como Haiti e outros dos mais pobres do Terceiro Mundo trabalha na sua pátria por conta de Cuba. Na área latino-americana fundamentalmente contribuímos com intervençons oftalmológicas que preservarám a vista de milhons de pessoas. Por outro lado, contribuímos para a formaçom de dezenas de milhares de jovens estudantes de medicina de outras naçons, em Cuba ou no estrangeiro.

Contodo, nom é umha questom que leve à ruína ao nosso povo, o qual pode sobreviver graças ao internacionalismo que a URSS aplicou com Cuba, e ajuda-nos a pagar nossa própria dívida com a humhanidade.

Meditando cuidadosamente e analisando em detalhe a história das últimas décadas, chego à conclusom, sem chauvinismo algum, de que Cuba conta com o melhor serviço médico do mundo, e é importante que tomemos consciência disso, visto que é ponto de partida do que desejo expor.

A base do mencionado sucesso está na rede de policlínicas e consultórios médicos estabelecida em todo o país, que substituiu o desastroso e precário sistema de atendimento médico capitalista baseado na medicina privada, apesar de a dura realidade nos ter imposto um número de centros mutualistas de atendimento médico. Para os mais jovens, esclareço que eram instituiçons de carácter cooperativo onde, por um pagamento mensal, eram prestados esses serviços. A minha família e eu recebíamos alguns por essa via num hospital localizado na longínqua capital da antiga província de Oriente. Nom lembro, contodo, um só cortador de cana-de-açúcar ou operário da fábrica de açúcar que puidesse fazer parte dessa instituiçom por carecer de recursos e jamais iam para essa cidade. Onde quer que os princípios do capitalismo reinem, a sociedade retrocede, daí o cuidado extremo que devemos ter cada vez que o socialismo se veja obrigado a usar mecanismos capitalistas. Alguns se embriagam e alienam sonhando com os efeitos da droga do egoísmo individual como o único mecanismo capaz de mover as pessoas.

A grande necessidade de especialistas médicos gerou neste ramo o espírito burguês de elite, ao qual se pôs definitivamente fim em Cuba quando a Revoluçom ao longo de muitos anos graduou números crescentes de médicos que deviam renunciar ao exercício privado da profissom, e mais tarde, se convertiam em especialistas através do estudo e da prática sistemática, chegando a constituir umha massa de profissionais bem qualificados.

Na sociedade capitalista, um número reduzido de especialistas que tinha a ver com a saúde e a vida forom convertidos em deuses. Neles, como entre os educadores de alto nível e demais profissionais que precisam de grandes doses de conhecimentos, nom há outra alternativa que cultivar a fundo o espírito revolucionário. A experiência demonstrou que é possível, sobretodo numha actividade que tanto tem a ver com a vida ou com a morte.

A nossa rede de policlínicas abrange cidades e campos de toda Cuba; foi criada num processo de desenvolvimento de centros de saúde adaptados às situaçons mais variadas do nosso território e os seus habitantes.

Numha cidade como Havana, a maior do país, um exemplo da complexa vida urbana ― que por outra parte difere, por sua vez, de Santiago de Cuba, Holguín, Camagüey, Villa Clara ou Pinar del Río, do mesmo modo que estas diferem entre si ―, cada policlínica atende a cerca de 22 mil pessoas.

Após o triunfo do 1º de Janeiro de 1959, os cidadaos da capital saturavam as urgências dos hospitais, geralmente a muitos quarteirons da sua moradia, para receberem o atendimento que a Revoluçom lhes prestava gratuitamente com os equipamentos nesse momento disponíveis, e nom iam às policlínicas recém-criadas, aonde eram enviados com freqüência os médicos menos eficientes. Depois aprenderom a receber esses serviços na policlínica, cada vez melhor equipada e com médicos com crescente qualidade e profissionalismo. Optarom, finalmente, pola melhor variante, ir em primeiro lugar ao consultório médico, onde eram atendidos por um jovem médico que se preparava em cursos teóricos e práticos de seis anos, projectados com esmero por professores eminentes. Mais tarde, continuava estudando até se tornar um especialista de Medicina Geral Integral. A policlínica apoiava-o com seus laboratórios e equipamentos.

Numha ocasom, quando visitei um desses centros para comprovar seu profissionalismo, pedim sem aviso prévio que me fizessem um exame dos sinais vitais; foi um dos melhores e mais rápidos que eu vi na minha vida.

Nem um só instante, a Revoluçom abandonou o esforço de reparar, adaptar ou construir novas policlínicas e consultórios médicos, enquanto milhares de estudantes entravam e se graduavam em mais de 20 faculdades de ciências médicas. É umha longa e fascinante experiência.

Na sua actual concepçom, umha policlínica sempre deve estar pronta para prestar dez serviços básicos: meios de diagnóstico, pronto-socorro, odontologia, reabilitaçom integral, saúde materno-infantil, enfermagem, clínico-cirúrgico, atendimento ao idoso, saúde mental, higiene e epidemiologia. Foi concebido o sistema para prestar serviços em 32 especialidades, entre elas, as que devem ser atendidas a qualquer hora do dia ou da noite, desde umha dor de dente insuportável até um infarto. Deve ter pronto-socorros, que aproximam esse serviço das moradias das famílias.

Quando escrevim Os vícios e as virtudes, salientei que toda tentativa de apropriar-se dos produtos que passam por sua mao, como fam alguns, era indigno da conduta de um trabalhador, seja qual for a sua categoria social, a sua capacidade, os seus estudos, os seus conhecimentos; quer colha batatas, ordenhe vacas, cozinhe num restaurante, trabalhe numha fábrica, numha escola, numha livraria, num museu, manual ou intelectualmente, num lugar qualquer. Ninguém deseja instaurar o trabalho escravo ou semi-escravo no nosso mundo. Todos pensamos que o cidadao nasce para umha vida mais digna.

Aquele que rouba esquece que toda pessoa deseja tranqüilidade e respeito para ele e os seus familiares, alimentos variados e de qualidade, moradias decorosas, eletricidade sem cortes, água corrente, ruas sem buracos, transporte cómodo e seguro, hospitais bons, policlínicas bem equipadas, escolas de primeira classe, armazéns e lojas que funcionem bem, cinema, rádio, televisom, internet e muitas outras coisas agradáveis, que só podem emanar do trabalho metódico, eficiente, bem organizado e de trabalhadores altamente produtivos.

A produçom de bens de consumo e a prestaçom de serviços precisam de equipamentos modernos para a construçom, a agricultura, o transporte, a energia eléctrica de alta tensom, produtos químicos ou inflamáveis; condiçons de trabalho que trazem consigo riscos de altura, profundidade e outras muitas variantes ineludíveis; qualquer descuido provoca mutilaçons e mortes que obrigam a tomar constantes providências para impedi-las ou reduzi-las ao mínimo possível, sem poder impedir infelizmente a cada ano um número doloroso de casos. A isto se acrescentam as doenças profissionais, os sofrimentos e danos que ocasionam. Os bens e serviços que todos anseiam nom nascem do nada. Fortes investimentos, tecnologias modernas, matérias-primas custosas, energia abundante, e muito especialmente o trabalho humhano, som indispensáveis, se nom desejamos ficar na pré-história.

Recentemente, solicitei ao Ministério do Trabalho e da Previdência Social dados sobre o número de trabalhadores envolvidos nos programas da educaçom e da saúde do país; beiravam quase 20% da força de trabalho activa do país na produçom económica e nos serviços.

Os dados que recebim, analisados cuidadosamente, justificam os passos dados para aumentar a idade da aposentadoria, que no projecto se associa a melhoras reais na renda familiar e, segundo a minha opiniom, também à necessidade imperiosa de evitar o excesso de dinheiro circulante e ao dever de recuperarmo-nos rapidamente do golpe dos furacáns, sem deixar ninguém desamparado.

A questom que coloco é se o ser humhano pode ou nom organizar com racionalidade a sociedade na qual tem obrigaçom de viver.

Os esforços que fam os músicos com os seus instrumentos talvez sejam tam fortes quanto os que realiza o fundidor da fábrica "Antillana de Acero". Às vezes, nom existem diferenças entre o gasto mental e energético de um e do outro, embora poidam existir no modo de pensar, porque alguns som conhecidos e aplaudidos constantemente e outros nom. Contodo, aqueles, com a sua influência, podem contribuir para a luita contra velhos vícios de sociedades passadas, como muitos fam, nom só músicos, mas também escritores e pintores prestigiosos formados pola Revoluçom.

Há profissionais especializados nas ciências económicas, organizaçom do trabalho, psicologia e outros ramos, conscientes destas realidades, que abordam de umha forma ou outra temas associados a elas; som lidos ou escutados interessantes conceitos em busca de respostas que, sem dúvida, terminarám apontando para a mesma direcçom, à medida que o debate nacional e internacional se abrir.

Os Prémios Nobel de Economia ficam assombrados com umha crise do capitalismo desenvolvido jamais vista, que exije neste momento de 700 bilhons de dólares adicionais, que deverám pagar os filhos das famílias norte-americanas. Os peritos do imperialismo nom conseguem acertar, enquanto os chefes de Estado, primeiros ministros e altos funcionários participantes da Assembléia Geral das Naçons Unidas, espremem-se os miolos tentando procurar soluçons. Chama a atençom ver como muitos dos aliados dos Estados Unidos na OTAN nom falam o seu idioma nacional, mas o inglês, esperanto da nossa época, visivelmente mal-falado.

Penso que nom há alternativa à necessidade de rever todo, buscar mais produtividade e menos esbanjamento de recursos humanos nos sectores vitais, inclusive na Saúde e na Educaçom ― e nos outros da economia produtiva e dos serviços ―, sem nos cingir estritamente a cifras elaboradas anos atrás, sem diminuir e sim aumentando a qualidade de todo o que é levado a cabo na nossa pátria, e sem deixar de cumprir deveres internacionalistas, cujos frutos começam a ser percebidos. Som ainda mais do que podemos imaginar e bastante menos do que se precisa. O resto deve ser dado por nós próprios, sem hesitar.

Fidel Castro Ruz

24 de Setembro de 2008

20h37

Quatro novos artigos de opiniom do Comandante Fidel Castro

2008-09-23T03:31:00.000-07:00

Disponibilizamos para tod@s vós em galego os últimos quatro artigos assinados polo Comandante Fidel Castro.

Os artigos, assinados entre o dia 18 e o 20 de Setembro, reflexionam sobre vários temas de actualidade, tais como a crise financieira mundial e a astronómica injecçom de dinheiro realizada polo Governo dos EUA a benefício do Capital, as razons do rejeitamento da "ajuda" humanitária oferecida polo imperialismo ianqui, algumhas reflexons horas antes do seu encontro com Hugo Chávez ou mais um artigo no que insiste na necessidade de combater a corrupçom e de defender o igualitarismo.

::. O verdadeiro e o falso (20/09/08)
::. Os vícios e as virtudes (19/09/08)
::. O Ike financieiro (18/09/08)
::. Duas vezes a mesma mentira (18/09/08)

O rejeitamento de Cuba à ajuda de EUA tras os furacáns, versom Falsimedia

2008-09-23T02:06:00.000-07:00

Polo seu interesse reproduzimos o trabalho audiovisual de Cubainformación sobre o tratamento mediático provocado polo rejeitamento da "ajuda" ianqui por parte das autoridades cubanas. Um novo exemplo bem ilustrativo, da contínua campanha de intoxicaçom que sofre a revoluçom cubana por parte dos meios de (des)informaçom.

O verdadeiro e o falso

2008-09-20T16:23:00.000-07:00

REFLEXONS DO COMANDANTE FIDEL CASTRO
O verdadeiro e o falso

As agências de notícias informam que Chávez visitará Cuba amanhám, domingo, como parte de umha turné pola China, Rússia, Belarus, França e Portugal.

Soubem disso ontem, através de Venezuelana de Televisom: assinava acordos de investimento energético em Caracas com importantes homens de negócios de empresas do Japom, Rússia, Malásia, Itália, Argentina, Estados Unidos, Catar e Portugal. O propósito é extrair gás de umha das reservas localizadas sob a superfície de 500 mil quilômetros quadrados em águas jurisdicionais.

As empresas serám 60% de propriedade venezuelana, e o investimento se elevará a 19 bilhons de dólares apenas nesse sector. O mundo está ansioso e ávido de energia fóssil.

Chama atençom essa actividade na República Bolivariana da Venezuela, quando os Estados Unidos estám em meio a umha dramática crise financeira, que os obriga a injectarem nos bancos centenas de bilhons de dólares para evitar a debacle. Investimentos como esses se figerom ao longo do último ano, sem que ninguém saiba qual será o último. As acçons na bolsa incrementam temporariamente o valor, Wall Street e os bancos centrais do mundo respiram, até que o oxigênio da aqualom se esgote e seja preciso fazer novamente a operaçom.

A Venezuela é, sem dúvida, o país mais solidário com Cuba depois do açoite dos destruidores furacons. O seu presidente nom hesitou um instante em oferecer, em nome do seu país, toda a ajuda possível depois que o Gustav atingiu e devastou Pinar del Río e a Ilha da Juventude. O recorde das rajadas de 340 quilômetros por hora, as imagens de destruiçom e o prodigioso facto de nom se ter perdido umha só vida, o impressionarom, e ofereceu todo o que figesse falta em solidariedade a Cuba, apoio financeiro, e inclusive, terras venezuelanas para produzir alimentos em áreas disponíveis nom atingidas por ciclones.

A Venezuela foi o primeiro, mas nom o único país solidário de umha longa lista que foi seguida depois, com acçons de grande importáncia da Rússia, Angola, Vietnám, China e outros, grandes e pequenos, com mais e menos recursos, que ofereceram empréstimos financeiros e créditos brandos que ultrapassam a cifra de 1 bilhom de dólares, além de doaçons em dinheiro, alimentos e recursos que chegavam por qualquer via como expressom do desejo de ajudar o nosso heróico e solidário país.

A hipócrita oferta do governo dos Estados Unidos foi rejeitada. Recebeu a resposta que merecia. Nom hesitei em expressar o meu ponto de vista. Os oposicionistas dentro e fora de Cuba cacarejarom por causa da medida. Almejavam que representássemos o vergonhoso papel de pedintes. Mas esse combate nom acabou, apenas começa.

Um telex da EFE informa: "O governo dos Estados Unidos deu umha licença ao Movimento Democracia, um grupo de exilados cubanos em Miami, para enviar diretamente ajuda às vítimas dos furacáns Gustav e Ike em Cuba".

Mais em diante o telex acrescenta: "A influente Fundaçom Nacional Cubano-Americana tem umha licença outorgada pelo Departamento do Tesouro dos Estados Unidos que lhe permite enviar directamente as remessas dos parentes cubanos as suas famílias na Ilha".

"A ajuda será entregue às vítimas dos furacáns, inclusive, os dissidentes que, segundo os activistas, nom estám recebendo muita assistência e som marginalizados polo governo cubano."

Em Cuba nengum cidadám é discriminado. Todos recebem gratuitamente serviços de saúde, alguns dos quais, nos hospitais dos Estados Unidos, custariam milhares e, às vezes, dezenas de milhares de dólares; bem como serviços de educaçom superior aos jovens, tenham ou nom parentes no exterior, que nesse país custariam centenas de milhares nessa mesma moeda.

Os que recebem as remessas de dinheiro dos Estados Unidos, depois de pagarem o imposto correspondente, podem comprar as cotas normais a um preço mínimo e também adquirir produtos nas lojas em divisas, que hoje oferecem mercadorias, cujos custos no exterior aumentarom consideravelmente.

Qualquer produto procedente dos Estados Unidos que chegar a nosso país com fins contra-revolucionários deve ser devolvido ou ser confiscado.

Na Venezuela trabalham quase quarenta mil cubanos altamente qualificados, que prestam os seus nobres serviços ao povo bolivariano, inclusive, na formaçom de especialistas comunitários e instrutores desportivos. Nom abandonarom a sua Pátria; trabalham no exterior polo bem-estar dos cubanos, e os seus frutos chegam a todos, desde as crianças até os cidadáns mais idosos. Além disso, neste momento, fam contribuiçons dos seus salários, com os que serám comprados artigos produzidos na Venezuela que serám distribuídos entre os mais necessitados de qualquer província. É um verdadeiro exemplo de como devem ser utilizados os recursos na nossa sociedade.

Chávez é um incansável apregoador das idéias mais avançadas da sua época na Venezuela, encarando quase todos os instrumentos mediáticos nas mans da oligarquia pró-ianque, que tentam enganar e confundir o povo. A gente pensa que um dia vai descansar, até que descobre que o seu descanso será o túmulo.

O encontro com o presidente bolivariano amanhám será breve. O tempo indispensável para o diálogo: umha hora aproximadamente. Será umha grande honra para mim.

Som factos que assinalam a infinita diferença entre o verdadeiro e o falso.

Fidel Castro Ruz

20 de Setembro de 2008

15h20